Isaya 50:7 - Baibo Busansulushi Bwa Libuku Ili

⁷ Ceebo cakwaamba Mwaami Lesa Shinkusu shoonse ngooncafwa, teshi nkalenshekweewo nsoni. Paceebo ceeco ndayuumya moyo kwaamba ayi ntatentuki. Ndishi cakushinisha kwaamba ayi teshi nkalenshekweewo nsoni.

Isaya 50:7 Referans Kwoze

Bene Ebulu 13:6

Paceebo ceeco, katwaamba cakutaloonda ayi, “Mwaami Lesa ngomucafwi wangu, teshi nkaloondeewo. Ino muntu inga wancitanshi?”

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Bene Loma 1:16

Ndashoma amoyo woonse muMakani Abotu ceebo nshenkusu shakwe Lesa shakupulusha bantu boonse bashoma, kutaanguna baJuda, pesule baswamashi bakunsengwe.

1 Pita 4:16

Sombi na mwapenshekwa ceebo cakuba bene Klistu, mutanyumfwi nsoni, sombi mulumbe Lesa ceebo ca liina ilyo.

Luka 9:51

Lyalo ndicakashika ciindi cakwaamba ayi Jesu atolwe kwiculu, wakayeeya kuya kundabala inene ya Jelusalemu.

1 Pita 4:1

Ono mukwiinga Klistu wakapenshekwa mumubili, amwebo mulyeelete kuliyumyayumya kwiinda mumuyeeyo ngomunya wakalinga kucite Klistu ceebo uyo woonse upenshekwa, teendeleshekwi abubi.

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 50:9

Mwaami Lesa Shinkusu shoonse ngooncafwa. Ono umwi weenga wancanina mulandu ngani? Anu boonse banteya milandu balaakumana kusansooka anga ninsalu. Balaakumana kulobabo anga ncakufwala calikwa muswa.

Jelemiya 1:18

Aboobo sunu ndakuyumya anga nindabala icite lilinga, nabi anga ndicinko lya nshimbi nabi anga ndubumbu lwa bulonse ayi upikishe cishi coonse, bamaami bene Juda, bacinenenene babo, bapailishi abantu boonse ba mucishi.

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Isaya 29:22

Paceebo ceeco makani ngaaya Mwaami Lesa, uyo wakapulusha Abulaamu, ngwaatokwaambila bamulunyungu lwakwe Jakobo. Utokwaamba ayi, “Bamulunyungu lwakwe Jakobo teshi bakanyumfwewo nsoni tubili. Teshi bakanokweendaawo ashiwa shilokete.

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Isaya 54:4

“Utaloondi napaceyi, teshi ukalenshekwewo nsoni. Teshi ukasebaanishikwewo tubili. Ulaakuluba shintu shakakulengawo nsoni koocilibo cikula bwangu. Musebaanyo wa bumukalubinje uyo uli pali ndiwe ulaakumana.

Mika 1:2

Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.

Kulumbaisha 54:6

Lyalo ndaakubenga mulambu wakulyaaba kuli ndimwe. Ndaakulumbaisha liina lyanu mukwiinga muli babotu.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”