Isaya 49:3 - Baibo Busansulushi Bwa Libuku Ili

³ Lyalo wakandwiita ayi, “Isilaeli uli musebenshi wangu. Ceebo ca ndiwe bantu balaakunumbaisha.”

Isaya 49:3 Referans Kwoze

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Joni 17:4

Ndamuletela bulemu pacishi pano kwiinda mukumanisha mulimo ngomwakantuma.

Sekaliya 3:8

“ ‘Ono kutika omupailishi munene Joshuwa pantu pomwi abapailishinyoko abo bashiite kunembo lyako. Bapailishi abo batokwiimikanina shintu shitoosa kunembo. Ndaakuleta musebenshi wangu wiitwa ayi Musampi.

Isaya 52:13

Mwaami Lesa waamba ayi, “Amubone, musebenshi wangu ulaakuswitilila mumulimo wakwe. Ulaakusumpulwa, kubikwa peculu alimwi akulumbaishikwa.

Joni 17:1

Jesu ndyaakamana kwaamba makani aya, wakalanga kwiculu akupaila ayi, “Ta, ciindi cashikila. Ono aboobo amupe bulemu kuMwanaanu kwaamba ayi alakwe ape bulemu kuli ndimwe.

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Joni 15:8

Na kamucata shisepo shiinji, ico inga caletela bulemu baTa, alimwi cilaakutondesha ayi muli bashikwiiya bangu bancinencine.

Joni 12:28

Ta, amuboneshe bulemu bwanu!” Mpomunyaawo liswi lyakanyumfwika kuswa kwiculu kalyaamba ayi, “Ndabubonesha kale, alimwi ncibubonesha.”

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Isaya 43:21

Bantu abo ndakabalenga nemwiine amaansaangu kwaamba ayi bakanookwaambilisha bulemu bwangu.”

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Isaya 41:8

“Sombi mwebo nobene Isilaeli nobasebenshi bangu, nobamulunyungu lwakwe Jakobo, bantu mbondakasala, ee, nobamulunyungu lwakwe Abulaamu mweensuma,