Isaya 49:2 - Baibo Busansulushi Bwa Libuku Ili

² Mpeeke wakalengesha maswi kukola anga ngumupeeni. Wakandama alyaansa lyakwe mwiine. Wakansemuna bweenka bucitwa mufwi akunengesha kulibambila kusebenseshekwa.

Isaya 49:2 Referans Kwoze

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

Ciyubululo 1:16

Mulyaansa lyalulyo wakalinga kucite nyenyeenshi shosanwe ashobilo, amwalo mukanwa mwakaswa mupeeni ukolete koonse koonse. Ciwa cakwe cakalinga kuboneka anga ndisuba lyashika pakati ka mutwi cilimo.

Isaya 50:4

Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.

Isaya 51:16

Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Ciyubululo 2:12

“Mutanjilili wa kucoonde ca kuPegamamu umulembele ayi, “Aya ngamakani aamba wooyo ucite mupeeni ukolete koonse koonse.

Jelemiya 1:18

Aboobo sunu ndakuyumya anga nindabala icite lilinga, nabi anga ndicinko lya nshimbi nabi anga ndubumbu lwa bulonse ayi upikishe cishi coonse, bamaami bene Juda, bacinenenene babo, bapailishi abantu boonse ba mucishi.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Osiya 6:5

Paceebo ceeco ndakatuma balaluki bangu kwisa mukwaambilisha milandu akunyonyoolwa kwanu pakati kanu. Bupingushi bwangu bulibweneketebo patuba.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Ciyubululo 19:15

Mukanwa mwakaswa mupeeni ukolete wakukomeshako mishobo yoonse. Mishobo iyo ulaakuyeendelesha ankooli ya nshimbi alimwi ulaakulyatoola mwakutyanina minyansa ya bukali bwakwe Lesa Shinkusu shoonse.

Luka 23:46

Lyalo Jesu wakoolobesha aliswi lya peculu ayi, “Ta, muuya wangu ndaubika mumaansaanu!” Ingayi amanebo kwaamba boobo, wakatula moyo, wafwa.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Bene Efeso 6:17

Alimwi amunyamune lupulusho anga ncimpoompo cakumutabilishaako alimwi mutambule maswi akwe Lesa kuswa kuMushimu Usalashi ayo eshi abe anga ngumupeeni.

Ciyubululo 2:16

Ono sanduka kuswa kushibiibi shako. Na ubule kusanduka, ndaakwisabo onoono kuli ndiwe mukulwana abantu abo amupeeni uswa mumulomo wangu.’

Kulonga 33:22

Ono na bulemu bwangu bunokwiinda, ntookubika mucimfwengo ca mulibwe, akukufweka lyaansa lyangu kushikila nyinde.

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Abakuku 3:11

Lisuba amweenshi shakacileka kweenda ndishakabona kubekooka kwa mifwi yanu akubekabeka kwa lisumo lyanu.