Isaya 48:19 - Baibo Busansulushi Bwa Libuku Ili

¹⁹ Bamulunyungu lwanu naakwiinga bakafula anga ngumuseese, ncakwiila bana banu naakwiinga taaku ukonsha kubabelenga. Aalo meenaabo naakwiinga taaloobi, ee, naakwiinga taashiminganishikwi kunembo lyangu.”

Isaya 48:19 Referans Kwoze

Isaya 10:22

Ncakwiila nabi bene Isilaeli bulya mbaanji, ee, mbaanji anga ngumuseese wa kuloombe lwa lweenge, mbaniinibo beshi bakacaaleewo akuboola. Bamwi baanji babambilwa kunyonyoolwa ceebo beelela kwaamba ayi banyonyoolwe.

Matalikilo 22:17

Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

Bene Loma 9:27

Alakwe Isaya mulaluki mukulukulu wakaamba cankusu pabene Isilaeli ayi, “Nakubi kwaamba ayi bene Isilaeli mbaanji anga ngumuseese uli muloombe lwa lweenge, sombi mbaniini beshi bakapulushikwe.

Osiya 1:10

“Nakubi boobo bene Isilaeli balaakufulabo anga ngumuseese wa kuloombe lwa lweenga, ee, utakoonshi kupimwa nabi kubelengwa. Bulya ntokwaamba ayi, ‘Tamubete bantu bangu,’ sombi bushiku bulaakushika ndyeshi nkaambe ayi, ‘Mwebo muli bantu bangu nebo neLesa muumi.’

Jelemiya 33:22

Ndaakufusha bamulunyungu lwa musebenshi wangu Defedi abapailishi ba mumukowa wakwe Lefi cakwaamba ayi balaakunokwaala akubelengekwa bweenka mbocaala kubelenga nyenyeenshi mwiculu nabi museese wa muloombe lwa lweenge.”

Sefaniya 1:4

“Ndaakufungulula lyaansa lyangu mukupa mulandu bene Jelusalemu ee, mukupa mulandu bene Juda boonse. Ndaakunyonyoola boonse beshibakacaaleewo balambila Baali mumusena uyo. Ncakwiila ndaakunyonyoola abapailishi bakwe Baali boonse cakwaamba ayi kukabule ubeebaluka tubili.

Isaya 66:22

“Ono bweenka liculu lipya acishi ca panshi cipya isho nsheshi nkalenge mbweshi shikabe shamuyayaya, mbweeke ubo bamulunyungu lwanu aliina lyanu mbweshi shikabule kuloba.

Isaya 56:5

balaakunookwiibalukwa kwaciindi cilaamfu muŊanda yangu apakati ka bantu bangu kwiinda mbobalinga kweelete kwiibalukwa na kabacite baana. Ndaakubapa liina litakoonshi kulobeshekwa.”

Isaya 48:9

“Ceebobo cakwaamba ayi liina lyangu kalipekwa bulemu, ndacelwa kukalala. Ee, ceebobo cakwaamba ayi noolumbaishikwa, ndakomenyabo moyo pali ndimwe. Ndacita boobo kwaamba ayi ntamunyonyooli.

Isaya 14:22

Mwaami Lesa Shinkusu shoonse waamba ayi, “Ntoonyamuka kwaamba ayi ndwane Babiloni. Liina lyakwe ndaakulilobeshelabo limwi pantu pomwi abaabo bakacaalaawo. Taaku mwanaabo nabi wamulunyungu lwabo weshi akapuluke. Nebo neMwaami Lesa ndaamba!

Isaya 9:14

Pabushiku bomwi Mwaami Lesa ulaakutondesha bukali bwakwe kubamatanjilili ba bene Isilaeli abantu babo. Ulaakusutula mutwi amucila wabo.

Kulumbaisha 109:13

Bamulunyungu lwakwe boonse abamane kufwa, cakwaamba ayi kutakabi wiibaluka liina lyakwe mulishalane litoosa.

Kulumbaisha 9:5

Ncakwiila mwakapa mulandu bakunsengwe, mwakanyonyoola bamucita shibi abo, aboobo mwalobya meenaabo kwamuyayaya.

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

Lute 4:10

Kwiilikaawo apo, Lute mwine Moabu wakalinga muka Maloni mulobe, waba mukaangu. Ici citoolengesha ayi buboni bwa mulobe bunoocili mumaansa a bamuŋanda yakwe. Bamulunyungu lwakwe abalo bananooshiite pakati ka beshikamukowa wakwe, nkokwaamba ayi mundabala umo mweenka Maloni mwaakalinga kwikala. Mwebo muli bakamboni bangu sunu!”

Joshuwa 7:9

Bene Kenani alimwi abantu bamwi boonse mucishi cino balaakunyumfwa cikani ici akwisa mukutushinguluka alimwi akutunyonyoola soonse. Ono mwebo mulaakucita buyani ayi liina lyanu likanoocilemekwa?”

Matalikilo 13:16

Ndaakukupa baana baanji cakwaamba ayi taaku eshi akakonshe kubabelenga. Nkokwaamba ayi na muntu wakonsha kubelenga museese, inga wakonsha kubelenga abamulunyungu lwako.

Jobo 5:25

Ulaakuba abaana baanji, ee, bamulunyungu balaakufula anga mbwiisu pacishi ca panshi.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 44:4

Balaakukula kabotu anga mbwiisu buli pakatoonto nabi anga ncisamu ca masompe cili pafwaafwi amulonga.

Isaya 54:3

Nyinsa kumbasu shoonse ncakwiila ulaakushisenya. Bantu bako balaakubwesa cishi ico cili mumaansa a mishobo imwi bulya. Ee, mandabala anene ayo alinga mumatongo alaakusula bantu alimwi.

Dutolonomi 9:14

Ono bulya uteeleshi kunkasha. Ntooyeeya kubanyonyoola kwaamba ayi kukabule aubeebaluka alimwi. Lyalo ndaakulengesha ayi webo ube mushali wa mushobo unene alimwi ucite nkusu kwiinda wa baaba.’