Isaya 48:17 - Baibo Busansulushi Bwa Libuku Ili

¹⁷ Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.

Isaya 48:17 Referans Kwoze

Kulumbaisha 32:8

Mwaami Lesa ulaamba ayi, ndanookwiisha mbobeelete kweenda, ndanookupandaako maano akukulama.

Kulumbaisha 25:12

Anu ngani muntu ulemeka Mwaami Lesa? Ngooyo utondeshekwa kuswa kuli nguwe nshila njeelete kutola.

Isaya 30:20

Nakubi kwaamba ayi Mwaami Lesa ulaakumwiinsha mushiindi shiyumu, ulaakunooli amwebo alimwi ulaakunoomwiisha. Teshi mukamuyandoolewo tubili.

Kulumbaisha 73:24

Mulantanjilila amilasho yanu nobeene, kumamanino mulaakunjisha mubulemu bwanu.

Isaya 54:13

“Nebo nemwiine ndaakwiisha bantu bako, kubalengesha kuswitilila alimwi akubapa luumuno.

Jobo 36:22

“Yeeya nkusu kufula shicite Lesa. Anu ngani weenga weelana anguwe mukwiisha?

Joni 6:45

Cililembetwe muMalembo akwe Lesa akalemba balaluki bakulukulu ayi, ‘Bantu boonse balaakwiishikwa aLesa.’ Uyo woonse ukutika baTa akwiiya kuli mbabo, ulesa kuli ndime.

Mika 4:2

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Kulumbaisha 71:17

NobaLesa mwakalinga kunjiisha kuswabo kubucikula bwangu. Ono abobulya ncaamba milimo yanu ikankamika.

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

1 Baami 8:36

amubakutike uko kwiculu. Amulekelele shibiibi sha mwaami asha bantu banu bene Isilaeli. Amubaiishe kucita shiluleme. Lyalo, noBaami baLesa amutume mfula mucishi canu ico ncemwakapa bantu banu ayi ncabo kwalyoonse alyoonse.

Isaya 43:16

Ncakwiila Mwaami Lesa uyo wakapanga nshila mulweenge, ee, kupanga nshila mumaanshi ayoosha.

Isaya 2:3

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Bene Efeso 4:21

Ndushinisho mwebo mwakanyumfwa shapali nguwe alimwi mukwiinga mulashoma muli nguwe, mwakeeishikwa shalushinisho isho shili muli Jesu.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 43:14

Mwaami Lesa, Mupulushi wanu Usalalite wa bene Isilaeli waamba ayi, “Ceebo canu ndaakutuma likoto lya bashilumamba kwaamba ayi bakalwane bene Babiloni. Ndaakunyonyoola minjililo ya ndabala. Lyalo ciyobeyobe cakukondwa ca bantu bekalaamo cilaakuba kulila.

Matalikilo 24:48

Mpeeke ndafukama akulambila Mwaami Lesa. Ndalumbaisha Mwaami Lesa, Lesa wa baami bangu baAbulaamu, balengesha kwaamba ayi noolulemebo kushikamukowa wa baami bangu akucana mulokashi wabo kuli Isaki.

Isaya 28:9

Balo balaamba ayi, “Ino ono ngani ngwaatokwiisha? Ngani ngwaatoosansulwita maswi aya? Makani aya nga baabo baleshekwa onoono, ncakwiila abo bakushikwabo kunkolo bulya.

Isaya 30:21

Na kwaba kupambuka munshila akulanga kulubasu lwa kucipiko nabi kululyo, mulaakunyumfwa liswi lyakwe kuswa kwisule lyakumulwiita ayi, “Nshila iluleme njeeyi. Amukonkele njiyo.”

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 45:11

Ono Mwaami Lesa, Lesa Usalalite wa bene Isilaeli uyo wakababumba waamba ayi, “Sa inga mwanjipusha shabana bangu nabi kundwiita nceenjelete kucita?

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 54:8

Kwaciindi ciniini ndakamufutatila ceebo ndakakalala. Sombi ndaakukutondesha lusuno lwangu kwamuyayaya.” Mwaami Lesa Shikumulubula waamba.

Joshuwa 3:4

Mukwiinga mwebo tamuna kwisako kale kuno, balo batoomubonesha nshila. Sombi tamweelete kusena bunene pafwaafwi aLibokoshi lya Cipangano. Mulyeelete kucaalila amushinso ulaampa kilomita yomwi.”