Isaya 48:16 - Baibo Busansulushi Bwa Libuku Ili

¹⁶ “Ono amusene pafwaafwi, munyumfwe nshentokwaamba. Kuswabo kumatalikilo nebo ndaambilabo limwi patuba alimwi lyoonse ndalengesha maswi angu kucitika cancinencine.” Ono Mwaami Lesa Shinkusu shoonse wampa Mushimu wakwe akuntuma.

Isaya 48:16 Referans Kwoze

Joni 18:20

Jesu wakamukumbula ayi, “Ndakalinga kwiishisha pameenso a bantu boonse. Ndakalinga kwiisha mushoonde shanu amuŊanda yakwe Lesa umo mubunganina bantu. Taakuuwo ncendakaambila kumapela.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Isaya 45:19

Ndakaambilabo limwi cakutashisa. Nshikwe kwaambila mucishi cicitebo munshinshe. Nshikwe kwaambila bamulunyungu lwakwe Jakobo ayi banoonangoola cakubula kumucana. Nebo neMwaami Lesa ndaamba lushinisho alimwi ndaamba shintu shiluleme.”

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Isaya 41:1

Lesa waamba ayi, “Amukutumane mukutike kuli ndime mwebo nobamushishi sha muloombe lwa lweenge! Amulibambile kuleta makani anu kunkuta. Amwise mwaambe nobeene shili kumyoyo. Ee, mwise tubandike akubona ululeme.

Isaya 34:1

Mwebo nobaswamashi noonse. Amusene pafwaafwi alimwi akuteya matwi. Amukutikishe mwebo nomishobo imwi yoonse. Ee, cishi coonse cinyumfwe ashintu shoonse shikalaamo!

Isaya 43:13

Ncakwiila ndi Lesa kuswabo kale kale. Taaku muntu nabi womwi ukonsha kupusumuka mumaansa angu alimwi ncendacita taaku muntu ukonsha kucisandula.”

Isaya 57:3

Ono amwise kuno mwebo nobamucita shibi moomboloshekwe. Mwebo tamupuseneewo abaloshi, beshibulale alimwi abafuule.