Isaya 45:3 - Baibo Busansulushi Bwa Libuku Ili

³ Ndaakukupa shintu sha makwebo shishisitwe, ee, bubile buli mumisena ishiya ya bushishi kwaamba ayi ukeshibe ayi ndime Mwaami Lesa, Lesa wa bene Isilaeli uyo ukwiita liina lyako.

Isaya 45:3 Referans Kwoze

Isaya 48:15

Ndime ndakabandikaakwe akumwiita. Ndakamutanjilila nkwaakalinga kuya akumulengesha kuswitilila.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Esila 1:2

Wakalemba ayi, “Uku nkokwaamba kwangu nebo neSailasi mwaami wa bene Pesha. Mwaami Lesa, Lesa wa kwiculu, wampa nkusu shakulela cishi ca panshi coonse alimwi ashakuyaka Ŋanda yakwe muJelusalemu mucishi ca Juda.

Kulonga 33:12

Mpomunyaawo Mose wakaambila Mwaami Lesa ayi, “Ncakwiila mwandwiita ayi ntanjilile bantu aba kucishi ico, sombi tamuna kundwiita wooyo ngweshi muntumaakwe. Mwaamba ayi mulinshi kabotu alimwi ayi mulikondetwe mumilimo yangu.

Kulonga 33:17

Mpeeke Mwaami Lesa wakaambila Mose ayi, “Ndaakucita kweelana ambowasenga ceebo ndikwishi kabotu alimwi ndikondetwe muli ndiwe.”

Jelemiya 50:37

Maaki a mumo ashikoci ashinyonyoolwe pantu pomwi abashilumamba boonse baswamashi! Nkusu shabo shamana. Aapwaikwe maandaabo akusungilamo buboni! Ndushinisho buboni bwa ngawo bulaakusaalwa.

Jelemiya 51:53

Nabi Babiloni akatante kwiculu akuyaka ciyubilo ciyumu uko, ndaakutuma beshikunyonyoola kuya mukumulwana. Nebo neMwaami Lesa ndaamba.”

Isaya 49:1

Amukutike mwebo nobantu bekala kulaale, ee, munyumfwe mwebo nomwikala kushishi sha kulaale. Mwaami Lesa wakanjita ayi nkamusebensele kaantana kushalwa. Wakeeta liina lyangu kaancili mumala muli bama.

Jelemiya 41:8

Sombi bali likumi bakaambila Ishimaeli ayi, “Utatucaayi swebo! Tulicite witi, bale, mafuta a olifi alimwi abuuci shishisitwe mumuunda.” Aboobo balo wakabaleka taakwe kubacaila pantu pomwi ababyaabo, sobwe.

Isaya 41:23

Kamwisa mutwaambile sheshi shikacitike kunshiku sha kunembo kwaamba ayi twishibe ayi ncakwiila muli balesa. Tubone amucitewo cintu comwi cibotu nabi cibiibi kwaamba ayi tukankamane akunyumfwa boowa.

Jelemiya 50:26

Amwise mubalwaane kuswa kulaamfu. Amupwaye maandaabo akusungilamo shakulya akubunjika shakusaala mumilwi milwi mbuli shili anga ngamaila. Mubanyonyoole cakumaninina kubule aucaalaawo.

Jelemiya 51:13

Mwebo nomushiite kufwaafwi amilonga iinji nomucite buboni buunji, ono bwamweela, cashikila ciindi canu cakufwa.

2 Makani 6:17

Mbweeke ubo nobaLesa ba bene Isilaeli, amushicite cancinencine shoonse isho nshemwakashomesha bata baDefedi basebenshi banu.