Isaya 44:1 - Baibo Busansulushi Bwa Libuku Ili

¹ Ono Mwaami Lesa waamba ayi, “Amukutike mwebo nobamulunyungu lwakwe Jakobo, nobasebenshi bangu. Amukutike nobene Isilaeli mukowa ngondakasala.

Isaya 44:1 Referans Kwoze

Isaya 41:8

“Sombi mwebo nobene Isilaeli nobasebenshi bangu, nobamulunyungu lwakwe Jakobo, bantu mbondakasala, ee, nobamulunyungu lwakwe Abulaamu mweensuma,

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Kulumbaisha 105:6

Kamushiibaluka nobamulunyungu lwakwe Abulaamu musebenshi wakwe, Nobamulunyungu lwakwe Jakobo, mwebo nomwakasalwa.

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 42:23

Ngani pakati kanu weshi akakutike maswi aya? Ee, ngani weshi akakutike kunembo litoosa?

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

Kulumbaisha 136:22

Wakashipa bene Isilaeli basebenshi bakwe, ee, mukwiinga lusuno lwakwe ndwamuyayaya.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 41:9

ndakamukusha kweela lya cishi. Ncakwiila ndakamwiita kuswa kwiine kulaale. Ndakaamba ayi, ‘Mwebo muli basebenshi bangu.’ Ndakamusala alimwi nshikwe kumukaka, sobwe.

Isaya 44:21

Mwaami Lesa waamba ayi, “Nobamulunyungu lwakwe Jakobo amwiibaluke shintu ishi, nobene Isilaeli, mwebo muli basebenshi bangu. Ndakamulenga kwaamba ayi mube basebenshi bangu. Ncakwiila nebo teshi nkamulubeewo.

Isaya 45:4

Ceebobo ca basebenshi bangu bamulunyungu lwakwe Jakobo, ee, bene Isilaeli bantu abo mbondakasala, ndakakwiita liina lyako akukupa cuuna ca bulemu nakubi kwaamba ayi toonshiiwo.

Isaya 48:12

Mwaami Lesa waamba ayi, “Amukutike nobene Isilaeli, mwebo nobantu mbondakasala! Nebo ndi Lesa, wakalingaako kumatalikilo weshi akanooliiko akumeelelesho. Nebo neenka ndime Lesa!