Isaya 42:21 - Baibo Busansulushi Bwa Libuku Ili

²¹ Ceebo ca bululami bwakwe, Mwaami Lesa cakamukonda kulengesha milawo yakwe kusumpulwa akuba abulemu.

Isaya 42:21 Referans Kwoze

Bene Loma 3:31

Ono sa ici cilaamba ayi Milawo teecite ncito nditutokwaamba ayi nkwiinda mulushomo? Napaceyuubo! Tutooyumyabo Milawo.

Bene Ebulu 8:10

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo akwiilemba mumyoyo yabo. Ndaakuba Lesa wabo abalo balaakuba bantu bangu.

Bene Loma 7:12

Nkokwaamba ayi Milawo ilisalalite alimwi mulawo uli woonse ulisalalite, uliluleme alimwi uli kabotu.

Mateyo 3:15

Sombi Jesu wakamukumbula ayi, “Paciindi cino cita bweenka ubo. Na tucite boobo, nkokwaamba ayi tutoocita kuyanda kwakwe Lesa.” Mpeeke Joni alakwe wakasumina.

Isaya 42:4

Teshi akatonsheewo nabi kutyongola kushikila akalengeshe koombolosha cakutanyengelela kwikalilila pacishi ca panshi. Ncakwiila bamushishi sha muloombe lwa lweenge boonse batoolangila kwiisha kwakwe.”

Kulumbaisha 71:19

Bululami bwanu nobaLesa bulashika akwiculu. Mwakacita shintu shinene abuumbi. Taaku uli mbuli ndimwe nobaLesa.

Kulumbaisha 40:8

NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Bene Galatiya 3:21

Sa nkokwaamba ayi Milawo ilapikisha sheesho Lesa nshaakashomesha? Sobwe, napaceyuubo! Mukwiinga bantu nebakalinga kuba abuumi kwiinda mukukonkela Milawo, naakwiinga muntu woonse wakalulamikwa pameenso akwe Lesa kwiinda mukukonkela Milawo iyo.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

Bene Loma 10:4

Mukwiinga Klistu ngowakamanisha nkusu sha Milawo kwaamba ayi uli woonse ushoma, alulamikwe pameenso akwe Lesa.

Joni 15:10

Na mulakonkela milawo yangu, mulaakukalilila mulusuno lwangu, bweenka mbuli mboonkonkela milawo ya baTa akukalilila mulusuno lwabo.

Joni 8:29

Uyo wakantuma uli anebo, taakwe kunshiya neenka mukwiinga lyoonse ndacita shimukondelesha.”

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Kulumbaisha 71:16

NobaLesa Beshinkusu shoonse ndanoolumbaisha nkusu shanu. Ndanoolumbaisha bululami bwanu, ee, bwanu nweenka.

Kulumbaisha 138:2

Ndaakufukama kunembo lya Ŋanda yanu isalalite. Ndaakulumbaisha liina lyanu ceebo ca lusuno lwanu lutamaani akushomeka kwanu. Ee, mukwiinga mwasumpula liina lyanu amaswi anu kwiinda shintu shimwi shoonse.

Isaya 51:4

“Amukutike nobantu bangu, ee, amuteye matwi kuli ndime nomushobo wa bantu bangu. Milawo ilaakuswa kuli ndime. Lyalo bululami bwangu bulaakumunikila bantu boonse.

Dutolonomi 4:6

Amukeekonkele cakushomeka. Ico cilaakutondesha mishobo imwi busongo mbomucite akunyumfwishisha kwa shintu shoonse. Na bakanyumfwe milawo iyi, balaakwaamba ayi, ‘Mushobo uyu ngunene ulicite busongo bunene akunyumfwishisha kwa shintu shoonse!’

Dutolonomi 4:8

Taaku mushobo umwi ucite milasho amilawo iluleme anga njeeyi njindamwiisha sunu.