Isaya 34:7 - Baibo Busansulushi Bwa Libuku Ili

⁷ Ubo bushiku abo baambwa ayi ninyati sha bantu balaakufwitabo pantu pomwi ambabo. Ee, kufwita pantu pomwi abaabo bacite nkusu anga mbacende baana nabi bacende banene. Cishi cabo cilaakunoolibo tontolo kumalowa, ncakwiila bulongo boonse bulaakunoolibo lololo kumafuta.

Isaya 34:7 Referans Kwoze

Kulumbaisha 68:30

Amukalalile Ijipiti, ulya munyama wamuluundu ukala mumatete. Amukalalile mishobo ili anga nditanga lya bacende aboombe. Babombye kushikila bakakuletele shipo sha silifa. Amupalanganye boonse bamusembela kulwana.

Shakubelenga 23:22

Lesa wakabakusha mucishi ca Ijipiti, ulabalwaninaako anga ninyati.

Jelemiya 50:27

Amucaye bashilumamba babo boonse! Ee, boonse amubacaaye cakumaninina! Mapensho kuli mbabo mukwiinga bushiku bwabo bwashikila. Ncakwiila ciindi cabo cakupekwa mulandu cashikila.

Jelemiya 50:11

Mwaami Lesa waamba ayi, “Nobene Babiloni mulikondetwe akusangalala, mwebo nomwakasaala mushobo wangu. Mwakatambala anga niŋombe itoolyatoola shili anga ngamaila akulila bweenka bulila maaki.

Jelemiya 46:21

Bashilumamba baliimo abo bakoolwa balibo anga mboombe basaninwa kabotu. Nakubi boobo abalo balaakucica, teshi bakeemikaneewo, sobwe. Ee, bushiku bwakunyonyoolwa bwabapolela, ciindi cabo cakupekwa mulandu cashikila.

Kulumbaisha 92:10

Sombi nebo mwanjuumya anga ninyati, mwananika mafuta abotu mukumpa bulemu.

Dutolonomi 33:17

Josefu ulicite nkusu anga ngumucende alimwi ameeca ali anga nga nyaati. Meeca akwe mbamulunyungu lwakwe Manase abo bali shuulu ashuulu, abamulunyungu lwakwe Efuleemu abo bali shuulu likumi. Meeca aya ulayasishaako mishobo imwi akubashindikila kweela cishi ca panshi.”

Shakubelenga 24:8

Lesa wakabakusha mucishi ca ijipiti. Ulabalwaninaako anga ninyati. Balanyonyoola balwani babo, kupwayoola mafuwa abo akubayasa mifwi yabo.

Kulumbaisha 22:21

Amumfuune mumeeno a nkalamu, mumpulushe kumeeca a nyati.

Isaya 63:6

Ndakabalyatoola paciindi ndindakalinga kukalalite. Ceebo cakufundililwa kwangu ndakabalengesha kukolwa akutila bulowa bwabo panshi.”

Jelemiya 25:34

Amulile mibila akulila buumpute, mwebo nobeembeshi. Amwaalabangane mulusuko, mwebo nobamatanjilili ba litanga ceebo ciindi canu cakucaikwa cashikila. Mulaakuwa akupwayoolwa anga ninongo ibotu.

Esekelo 32:6

Ndaakutontosha bulongo abulowa bwako ubo bweshi bukanookunka kuya mukushika kutulundu. Tulonga tulaakusulabo nyama yako.

Esekelo 39:17

Mwaami Lesa Shinkusu shoonse wakaŋambila ayi, “Webo omuntu, ita mushobo wa bayuni woonse abanyama bamuluundu boonse akubalwiita ayi, ‘Amuyoboloke akubungana pantu pomwi kuswa mumisena yoonse ishingulukite, mwise kumulambu ngoontoomubambila, ee, kumulambu unene patulundu twa Isilaeli. Uko mulaakulya nyama akunwa bulowa.

Esekelo 39:18

Mulaakulya nyama ya bashilumamba bayumu akunwa bulowa bwa baleli ba cishi ca panshi. Boonse balaakucaikwabo anga nimbelele shisankwa, bana ba mbelele, mpongo nabi anga mbacende. Nkokwaamba ayi kucaikwabo anga nshifubwa shiinite sha kuBashani.