Isaya 34:13 - Baibo Busansulushi Bwa Libuku Ili

¹³ Mushiyubilo shabo sha nkondo mulaakwisulabo shisamu sha myuumfwa. Mumandabala abo acite malinga mulaakumena tukoloŋonso. Ncakwiila cishi cabo cilaakubabo musena wa bamwaaba akubabo maanda a bamwiina.

Isaya 34:13 Referans Kwoze

Jelemiya 10:22

Amunyumfwe, kwesa nkombe ayi kutoosa shimfulunganya shinene abuumbi kuswa kucishi ca kumatwa. Likoto lya bashilumamba lya cishi ico lilaakulengesha mandabala a kuJuda kuba matongo umo mwikalabo bamwaaba.”

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Malaki 1:3

sombi ndipatite Esau abamulunyungu lwakwe. Aboobo tulundu twakwe ndakatwaalula luyanga akushiya cishi cakwe kubaumpe.”

Kulumbaisha 44:19

Nakubi boobo mwatushiya pakati ka baumpe kwakubula ashikutucafwa, kutushiya sweenka mumunshinshe ushiya mbi.

Ciyubululo 18:2

Wakoolobesha ayi, “Yawa, yawa ndabala inene ya Babiloni! Yaba momwakwikala bashikaswa ba mishobo yoonse. Yaba momwakwikala shiyuni shitasalalite alimwi shilensha bunya.

Sefaniya 2:9

Bweenka mbocibete lushinisho ayi Nebo neMwaami Lesa Shinkusu shoonse, Lesa wa bene Isilaeli ndi muumi, ntooshomesha cakulumbila ayi bene Moabu balaakuba anga mbene Sodoma abalo bene Amoni balaakuba anga mbene Gomola. Shishi shabo shilaakuba musena wa nsaku alimwi ashikanda sha mwiinyo, ee, shilaakuba shishi umo mutekaali bantu kwalyoonse alyoonse. Bantu bangu beshi bakacaaleewo, balaakusaala akubwesa shishi shabo.”

Osiya 9:6

Nabi nobamwi mukacice kunyonyoolwa, bene Ijipiti balaakumubunganya alimwi mulaakufukililwa kuMemfisi ndabala ya mucishi ico. Pabuboni bwanu bwa silifa palaakumena shisonsoonya. Mumisena ya maandaanu mulaakumena myuumfwa.

Jelemiya 51:37

Cishi ca Babiloni cilaakuba matongo umo mweshi mukanookalabo bamwaaba. Cilaakuba cintu ceelete kuloondwa akusekwa. Taaku muntu nabi womwi weshi akekaleemo.

Jelemiya 49:33

Asoli ulaakuba musena wa bamwaaba. Ulaakuba matongo kwalyoonse alyoonse. Taaku muntu weshi akekaaleko tubili. Nebo neMwaami Lesa ndaamba.”

Isaya 35:7

Museese ulungula ulaakwaaluka mashiba a maanshi. Cishi cifwite nyotwa ya maanshi cilaakuba tuntupu tubila maanshi. Mumisena umo mwakalinga kwikalaawo bamwaaba, mulaakumena bwiisu alimwi amatete.

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Malilo 4:3

Nabi bamwaaba balayamwisha bana babo, sombi bantu bangu baba amyoyo ibiibi anga nintibatiba muluyanga.

Jelemiya 51:43

Mandabala a mumo alaakuba matongo. Ncakwiila cishi ico cilaakuba matongo, cishi ciyumu nta akuba luyanga. Taaku muntu weshi akanookalaamo alimwi teshi mukanokwiinda muntu nabi womwi.