Isaya 32:14 - Baibo Busansulushi Bwa Libuku Ili

¹⁴ Ŋanda ya bwaami ilaakucaala cisuukila. Ndabala inene iyi ilaakucaalabo matongo. Shiyubilo sha njiyo amaanda alaamfu a beshikulindilila shilaakucaalabo shikalikulukile shiine. Mumusena woonse uyu mulaakubabo mafulo a mbongolo alimwi ambelele.

Isaya 32:14 Referans Kwoze

Isaya 27:10

Ndabala inene ya lilinga yaba matongo, yaba musena usuulitwe anga nduyanga. Ono mwaba momumafulo a shifubwa. Shilapanga milela akulya matewu kumisampi.

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Isaya 24:12

Ndabala inene yanyonyoolwa acalo cisasa ca pamwinjililo capwayoolwa akubabo tupanshapansha.

Isaya 24:10

Ndabala inene ya shimfulunganya ilya yacaala matongo. Mulyango wa ŋanda yomwi ayomwi ulicalitwe.

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Luka 21:20

“Mwaakubona ayi ndabala inene ya Jelusalemu yashingulukwa abashilumamba, mukeshibe ayi kunyonyoolwa kwa njiyo kuli pafwaafwi.

Isaya 6:11

Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.

Isaya 5:9

Mwaami Lesa Shinkusu shoonse ndamunyumfwa kaalumbila ayi, “Ndashinisha maanda anene oonse aya alaakuba mumatongo. Ncakwiila naakomeni, naaboti alaakucaalabo kwakubula aukalaamo.

Kulumbaisha 104:11

Ilapa maanshi kubanyama bamuluundu, ee, mbongolo sha muluundu shoonse shilanwa muli njiyo.

2 Baami 25:9

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Isaya 7:23

“Munshiku isho mumusena woonse umo mwakalinga minyansa ili cuulu ikonsha kuulwa maali a silifa ali cuulu, mulaakubabo myuumfwa ashisonsoonya.

Isaya 22:2

Nciinshi cacitika mwebo nobamundabala inene ya shimfulunganya, ciyobeyobe alimwi amangwengwe? Basankwa banu bakacaikwa tabakwe kufwa kumipeeni, ncakwiila tabakwe kufwita kunkondo, sobwe.

Jelemiya 6:5

Aboobo amunyamuke tuye tulwane mashiku akunyonyoola malinga a njiyo!”

Jelemiya 14:6

Mbongolo sha muluundu ashalo shiliimfwi peculu lya tulundu tutacite bwiisu akunoofoomashikabo anga mbaumpe. Caala akulasha kabotu ceebo cakubula shakulya.

Jelemiya 33:4

Ono pamaanda a muJelusalemu alimwi amaanda a bwaami a muJuda ayo akapwaikwa ayi bayake lubumbu lwakushinkila bene Babiloni abo bakapanga citunta cakutantaawo pakulwana, nebo neMwaami Lesa, Lesa wa bene Isilaeli ndaamba ayi,

Jelemiya 52:27

Uko kuLibula, mucishi ca Amati, mwaami wakapingula ayi bacaikwe. Anu mboboobo bene Juda mbobakatolwa busha kuswa kucishi cabo.

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Sefaniya 2:7

Cishi ico cilaakuba ca bene Juda abo beshi bakacaaleewo. Balaakunoocana mafulo a mbelele shabo uko. Macolesha na kwashiya balaakunokoona mumaanda a ndabala ya Ashikeloni. Mwaami Lesa, Lesa wabo ulaakunoobalama akubalengesha kuswitilila alimwi.

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

2 Makani 33:14

Pesule wakayaka lubumbu lwa Ndabala yakwe Defedi kumbo lya Kantupu ka Giyoni kulubasu lwa cinyika kuya mukushika kuMwinjililo wa Nswi. Kalundu ka Ofelo waakabika mukati ka lubumbu ulo ndwaakayaka cakululaampya kuya mwiculu. Lyalo wakabika bamatanjilili ba bashilumamba mumandabala oonse akalinga kucite malinga mucishi ca Juda.

Neyemiya 3:26

wakayakulula cipansha ca lubumbu cakakonkelaawo. Wakeela pafwaafwi aMwinjililo wa Maanshi kwicwe alimwi aŋanda ilaamfu yakulindilililaawo kuŊanda yakwe Lesa. Apo pakalinga kubambene acipansha ca ndabala inene ciitwa ayi Ofelo uko kwakalinga kwikala basebenshi ba kuŊanda yakwe Lesa.

Isaya 3:26

Aboobo paminjililo ya Jelusalemu palaakuba kulila kuyoosha abuumbi. Yalo ndabala ilaakubabo anga ngumwanakashi wafwitwa ushiitebo panshi, utacite apakucata.

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.