Isaya 30:23 - Baibo Busansulushi Bwa Libuku Ili

²³ Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.

Isaya 30:23 Referans Kwoze

Isaya 32:20

mulaakukondwa abuumbi ceebo mulaakupekwa coolwe. Mulaakunooshanga mbuto shanu munshaatulonga toonse, ashalo ŋombe ambongolo shanu shilaakunoolilitabo.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

Malaki 3:10

Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.

Sekaliya 10:1

Anu amusenge mfula kuMwaami Lesa kumatalikilo amainsa. NguMwaami Lesa uleta makumbi alosha mfula. Ncakwiila ngoolengesha mfula yatepetepe kuloka akulengesha shishango sha muntu woonse kushiya.

Isaya 58:11

Nebo neMwaami Lesa ndaakunoomutanjilila lyoonse. Ndaakunoomupa shoonse shiyandika mubuumi bwanu mucishi ici cibalilwabo lumwi. Ndaakunoomupa nkusu abuumi bubotu. Mulaakubabo anga ngumuunda utililwa kabotu, nabi kantupu katamani maanshi.

Kulumbaisha 36:8

Balalya shakulya shibotu muŋanda yanu, akunwa mumulonga wanu wa shoolwe.

Matalikilo 41:18

Ŋombe shili shosanwe ashobilo shiinite alimwi shiteshimite, shaswa mumulonga akutalika kulya bwiisu.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Isaya 5:6

Ndaakulengesha muunda uyo kuba musena utacite mpindu mukutakwesoolaako nabi kuusakwita. Mpeeke palaakumena lukupu amyuumfwa. Ncakwiila ndaakukasha makumbi kulosheshawo mfula.”

Isaya 4:2

Ciindi cilaakushikila Musampi wa Mwaami Lesa ndyeshi ukabote akuba abulemu. Lyalo nsheshi shikanooswa mubulongo bwa cishi ico, shilaakusangalasha akuletela bulemu bene Isilaeli abo beshi bakacaale mboomi.

Matalikilo 41:26

Ŋombe shiinite shosanwe ashobilo njimyaaka ili yosanwe ayobilo aalo masanse a witi akomete ali osanwe aobilo njimyaaka yosanwe ayobilo. Shilaamba cintu comwi.

Osiya 4:16

Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?

Matalikilo 41:47

Mumyaaka ili yosanwe ayobilo ya shakulya shiinji, myuunda yakalinga kusanyaako.

Isaya 10:27

Pabushiku ubo ndaakumwaangulula kuswa munkusu sha bene Asilya akutyoloola lijoko lya bweendeleshi bwabo lili pashifushi shanu.”

Isaya 65:21

Bantu bangu balaakuyaka maanda akwikalaamo beene. Balaakushanga shisamu sha minyansa akulyaako minyansa beene.

Bene Lefi 25:19

Mucishi mulaakuswa shakulya. Mpeeke mulaakuba ashakulya shoonse nshemusuni alimwi akwikala kabotu uko.

Bene Lefi 26:3

“Na munookala kweelana amilawo yangu alimwi amilasho yangu,

Bene Lefi 26:5

Shakulya shanu shilaakufula cakwaamba ayi paciindi cakuyapa minyansa, mwebo mulaakunoocitebula shili anga ngamaila, apalo paciindi cakushanga shakulya, mulaakunoocilongelabo minyansa. Mulaakuba ashakulya shoonse nshemusuni alimwi mulaakunokala kabotu mucishi canu ico.

Dutolonomi 11:14

Na mukacite boobo, ulaakunoolosha mfula mucishi canu paciindi ceelete, lyalo mulaakuba ashili anga ngamaila, waini, mafuta a olifi

Kulumbaisha 67:7

Lesa watupa coolwe, aboobo bantu boonse mucishi ca panshi abamulemeke.