Isaya 30:12 - Baibo Busansulushi Bwa Libuku Ili

¹² Sombi Usalalite wa bene Isilaeli waamba ayi, “Ono ceebo cakwaamba ayi mwakaka nshendamulwiita akucinka manungo munkondo abubeshi,

Isaya 30:12 Referans Kwoze

Isaya 5:24

Ono aboobo bweenka mile ya bwiisu mboipya cakumaninina ee, bweenka bwiisu buyumu mbobululuma pakupya, mbweeke ubo muyanda wabo ulaakubola. Aalo maluba abo alaakuululuka anga ndusuko ceebo bakaka milawo ya Mwaami Lesa Shinkusu shoonse, ee, ceebo basuula maswi a Usalalite wa bene Isilaeli.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

Amosi 2:4

Mwaami Lesa waamba ayi, “Bene Juda bakalinga kubisha lyobilo lyobilo, aboobo ndushinisho ndaakubapa mulandu. Bakaka kukonkela Milawo yangu nebo neMwaami Lesa akukaka kukonkela milasho yangu. Balesa bakubeca babalengesha kuswa munshila, ee, balesa abo bamashali babo bakulukulu mbobakalinga kukonkela.

Isaya 47:10

Wacinka manungo mububi bwako akwaamba ayi, ‘Taaku umbwene.’ Busongo buli muli ndiwe alushibo shakutola kumbi. Webo ulalisumpula mukwaamba ayi, ‘Ndimebo alimwi taaku aumwi kulekabo ndime.’

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Jelemiya 13:25

Ici nceshi cikacitike kuli ndimwe. Cilaakuba ncecipansha nceshi nkamupe mukwiinga mwebo mwakanduba akucinka manungo mubalesa babubeshi.

Isaya 30:7

Ncakwiila balatolela cishi ca Ijipiti ico cicite lucafwo lutaaku mbolubete. Paceeco ceeco cishi ico ndakacitumba ayi, ‘Shinshimwe utacite meeno.’ ”

Isaya 30:1

Mwaami Lesa waamba ayi, “Mapensho kubaabo beshicimpamya, ee, kubaabo bacita shamumiyeeyo yabo beene kuleka yaangu. Balapanga shipangano, sombi cakutatanjililwa aMushimu wangu. Mukucita boobo balalundika shibiibi peculu lya shibiibi.

Isaya 28:15

Mulalisumpula ayi, “Swebo twapaanga cipangano alufu, ncakwiila twasuminishanya amusena wa bafu. Nabi shiyoosha shatupolela, taaku nceenga shatucitaawo. Ceebo mububeshi momuli ciyubilo cesu, ee, mukubeca motuyubila.”

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Kulumbaisha 52:7

“Amubone anooyu ono musankwa ulya utakwe kuyubila muli Lesa. Sombi lakwe wakacinka manungo mububoni bwakwe buunji, akulipa nkusu kwiinda mukunyonyoola bamwi!”

Tushimpi 24:2

ceebo myoyo yabo balo ilayeeyabo kucita shalunkutwe. Ayalo milomo yabo ilaambabo shakubusha nshimfulunganya.

Isaya 3:14

Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Isaya 3:15

Anu mutooyeeya ayi ndimwe baani pakulyatilila bantu bangu akunoolita masuku pamitwi ya bakandu?” Ubo mbwaatokwaamba Mwaami Lesa, ee, Mwaami Lesa Shinkusu shoonse.

Isaya 7:9

Cishi ca Isilaeli taciindiwo nkusu paSamaliya ndabala inene iindaawo ya ncico. Ayalo ndabala ya Samaliya tayiindiwo nkusu pamwaami Peka mwanaakwe Lemaliya. Ono na awebo ubule kuyuma mulushomo, ncakwiila teshi ukakomewo, sobwe.’ ”

Isaya 8:6

“Ceebo cakwaamba ayi bene Isilaeli bakaka maanshi akalikene muKalonga ka Shilowa akusangalala mumwaami Lesini alimwi amuli Peka mwanaakwe Lemaliya,

Isaya 26:21

Amubone Mwaami Lesa ulaakuswa muŋanda yakwe ya kwiculu kwisa mukupa mulandu bantu bamucishi ca panshi ceebo ca shibiibi shabo. Cishi ca panshi cilaakuyubulula bulowa bwakatilwa muli ncico. Teshi cikashiseewo abo bakacaikwa.

Isaya 59:4

Taaku nabi womwi ulilila koombolosha kululeme alimwi taaku waamba mulandu wakwe kunkuta mulushinisho. Boonse balacinka manungo mukwaamba uko kutaaku mbokubete, kwaamba kwabubeshi. Balamita makatasho akutumbuka bubi.

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.