Isaya 3:14 - Baibo Busansulushi Bwa Libuku Ili

¹⁴ Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Isaya 3:14 Referans Kwoze

Jobo 22:4

“Sa nceebo cakumuloonda ncecilengesha ayi anookukalalila? Sa ulaakushinina akukupa mulandu ceebo ca cikani ico?

Jemusi 2:6

Sombi mwebo tamulemeki muntu mukandu. Sa te babile mbobamulyatilila alimwi akunoomutola kunkuta shipusenepusene?

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Jelemiya 5:27

Ono bweenka mbuli shikuteya tuyuni mbwaasusha cinsangala atuyuni, mbweeke ubo maandaabo mbwaaswite shintu shakusaala. Ncakwiila bakabila akuba ankusu shiinji.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Kulumbaisha 143:2

Mutaŋomboloshi nemusebenshi wanu ceebo taaku muntu muumi ululeme pameenso anu.

Kulumbaisha 14:4

Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

Jobo 24:9

“Bamucita shibi balakusha bakateta batacite baishi kunkolo akubatola ceebo ca nkongole shitana kulipilwa.

Mateyo 21:33

Jesu wakabaambila ayi, “Amunyumfwe cikoshanyo acimwi. Kwakalinga muntu wakalima muunda wa minyansa, akuyakilako lushito mweela muunda. Wakakaba cilindi cakutyaninamo minyansa alimwi akuyaka katungu kalaamfu kakulindililamo muunda. Lyalo wakoobwelekesha balimi bamwi, akuya lweendo kucishi cimwi.

Mika 6:10

Mumaanda a bantu babiibi muli buboni ubo mbobakacana mukunyengelela. Balasebensesha shipimo shabubeshi, isho nsheempatite.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Jobo 34:23

Taciyandiki kuli Lesa kubamba ciindi muntu ncaaelete kuya mukoomboloshelwaawo.

Jobo 24:14

Na lisuba lyepila mucayi ulanyamuka akuya mukucaya bakandu. Lyalo mumunshinshe wa mashiku ulaya mukwiipa.

Kulumbaisha 10:9

Balabelaminabo anga ninkalamu iyubite, kubelamina ayi bacate bantu bataaku mbobabete. Ncakwiila balabacatisha mutoose twabo akubatola kabaya cibakwelaanya.

Tushimpi 30:14

Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.

Isaya 10:1

Mapensho kuli baabo bapanga milawo italuleme, ee, milasho yakulyatilila bantu bangu.

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Isaya 14:30

Bakandu beelaako kubukandu balaakuba ashakulya. Ncakwiila bataaku mbobabete balaakwikala kwakubula cakulisukama. Sombi mwebo abamulunyungu lwanu ndaakumucaya kunsala. Taaku nabi womwi weshi akapuluke kunsala iyo.

Isaya 26:6

Ono myeendo yeenka ya baabo mbobakalinga kulyatilila, njeitokwiindaawo, ncakwiila myeendo ya bakandu njeitoolyatoolaawo.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Isaya 30:12

Sombi Usalalite wa bene Isilaeli waamba ayi, “Ono ceebo cakwaamba ayi mwakaka nshendamulwiita akucinka manungo munkondo abubeshi,

Isaya 58:4

Peculu lya waawo, kulikasha kulya kwanu kuleela mukwaambana. Muloomana makoofi mukusebensesha maansaanu ayo atasalalite. Mulalyatilila bantu bamusebensela. Ono sa mutooyeeya ayi kulikasha kulya kwanu kwa mushobo uyu inga kwalengesha ayi nebo nyumfwe kusenga kwanu kwiculu?

Esekelo 18:12

Ulalyatilila bakandu abaabo bataaku mbobabete. Ulacita bupambi alimwi taapilushi cintu ncaakacatila shinkongole. Ulalambila shibumbwabumbwa akucita shintu shilensha bunya.

Esekelo 20:35

Kuswawaawo ndaakumuleta muluyanga lwa mishobo imwi uko nkweshi nkamupe mulandu katulangene.

Esekelo 20:36

Bweenka mbuli mbondakapa mulandu bamashali banu bakulukulu muluyanga lwa mucishi ca Ijipiti, mbweeke ubo amwebo mbweshi nkamupe mulandu. Nebo neMwaami Lesa ndaamba.

Mika 3:3

Mulalya bantu bangu, kufunda shipaya shabo, kupwayoola shifuwa shabo akutimboola anga ninyama yakuteleka mumupika.

Bene Lefi 25:14

Aboobo na moolisha nabi kuula muunda kumwine Isilaelinyinaanu, kuteelesha kunyengelela.

Bene Lefi 25:17

Tamweelete kunyengelela mwine Isilaelinyinaanu, sombi munyumfwile nebo neLesa wanu. Ndime Mwaami Lesa, Lesa wanu.

Jelemiya 12:10

Bamatanjilili baanji bakanyonyoola muunda wangu wa minyansa. Bakalyatoola mumuunda wangu ubotu akuulengesha kuba luundu lutacite ncito.

Amosi 2:7

Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.