Isaya 26:13 - Baibo Busansulushi Bwa Libuku Ili

¹³ NoBaami baLesa, baLesa besu nabi twakalelwaawo kale abamaami bamwi, sombi mwebo nweenka ndimwebo Baami baLesa besu.

Isaya 26:13 Referans Kwoze

Bene Loma 6:22

Ono bulya mwakaangululwa kuswa kububi, muli basha bakwe Lesa. Mpindu yanu mbuumi bululeme ubo buletela buumi butamaani.

Isaya 63:7

Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.

Isaya 2:8

Cishi cabo ciliswitebo shibumbwabumbwa. Balalambila shintu nshebakalipangila amaansaabo beene.

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

Amosi 6:10

Na shikamukowa weelete kutenta mituntu yabo akese mukwiikushaamo akwiipusha uyo eshi akacaale muŋanda ayi, “Sa kuli ngomuli akwe aumwi muno?” Alakwe akakumbule ayi, “Taamuuwo.” Lyalo ulaakwaamba ayi, “Ashii! Tuteeleshi napaceyi kubanda liina lya Mwaami Lesa.”

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Isaya 12:4

Pabushiku ubo mulaakwiimba ayi, “Amulumbe Mwaami Lesa, amupaile muliina lyakwe. Amupukishe ncaakacita pakati ka mishobo imwi, akwaambilisha ayi liina lyakwe lilyeelete kusumpulwa.

Isaya 10:11

Ndakanyonyoola ndabala ya Samaliya ashibumbwabumbwa sha muli njiyo. Ono mbweshi nkacite akundabala inene ya Jelusalemu ashikoshanyo shilambilwa mulya.”

2 Makani 12:8

Nakubi boobo balaakuba mumaansaakwe Shishaki kwaamba ayi bakeshibe kupusana kuli pakati ka kusebensela ndime alimwi apakusebensela bamaami ba shishi shimwi sha panshi.”

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.

1 Bene Kolinto 4:7

Anu ngani wakakupa bunene pabamwi? Sa te nguLesa wakakupa shintu shoonse nshoocite? Ino ono inga walisumpula buyani pashintu shakupekwabo?

Joni 8:32

Lyalo mulaakwishiba lushinisho, alwalo lushinisho ulo lulaakumwaangulula.”

Isaya 26:8

Swebo tulacita kweelana akuyanda kwanu alimwi tulalangila muli ndimwe. Tulisuni kubona liina lyanu kalisumpulwa akuya mpuwo.

Isaya 64:5

Mulacafwa bantu abo basuni kucita shiluleme ee, kucafwa baabo beebaluka nshila shanu shibotu. Twakamukalasha sombi twakatolelela kubisha. Ndushinisho nakubi kwaamba ayi mwakakalala pali ndiswe kuswabo kale kale tatuna kucilekaawo kubisha.

Mika 4:5

Mushobo womwi awomwi ulaakunoolambila akunyumfwila lesa wa nguwo, sombi swebo tulaakunoolambila akunyumfwila Mwaami Lesa, Lesa wesu kwalyoonse alyoonse.