Isaya 25:4 - Baibo Busansulushi Bwa Libuku Ili

⁴ Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 25:4 Referans Kwoze

Sefaniya 3:12

Ndaakushiyamobo beshikulibombya abeshikuliceesha mundabala yanu, ee, bantu abo bacinkite manungo muliina lyangu nebo neMwaami Lesa.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Isaya 33:16

Uyu ngomuntu weshi akabule cakulisukama. Uyo ulaakunoolibo anga ngumuntu ucite ciyubilo pakalundu. Ulaakunoopekwa shakulya aalo maanshi teshi akamumanineewo.

Kulumbaisha 107:41

Sombi bapengete wakabakusha mumapensho abo, akufusha bamumaandaabo anga ngamatanga a shifubwa.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Isaya 49:25

Sombi Mwaami Lesa waamba ayi, “Ncakwiila basha balaakubwesekwa kuswa kuli shilumamba ucibwene kulwana. Buboni bwakasaalwa bulaakubooshekwa kuswa kubakali. Ndaakulwana muntu uli woonse ulwana ndimwe alimwi bana banu ndaakubapulusha.

Isaya 37:36

Lyalo munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Isaya 33:2

NoBaami baLesa amutunyumfwile luse mukwiinga taaku aumwi ngotucinkitemo manungo. Kamutupa nkusu macuunsa lyoonse akuba bapulushi besu ciindi ndituba mumapensho.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Isaya 29:5

Nakubi boobo makoto makoto abalwani bako alaakubabo anga ndusuko luyabo amuuwo. Ee, balwani banu batacite nkumbu balaakubabo mbuungu butooya cuululuka. Ncakwiila muciindi ciniinibo alimwi cakuteengashila

Isaya 27:5

Ono na balwani ba bantu bangu balisuni ayi noobatabilila, bataangune kusuminishanya luumuno anebo. Ncakwiila abasuminishanye luumuno anebo.”

Isaya 17:10

Nobene Isilaeli, ncakwiila mwaluba Lesa wanu uyo wakamufuna ee, mwaluba Mwaandami wanu umutabilila. Mulashanga amyuunda isalalite ayi munoolambililamo balesa banu. Paceebo ceeco nabi mukashange shishango shibotu buyani, ee, nabi mukashange minyansa yakuula kuswa kucishi cimwi,

Isaya 14:32

Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Kulumbaisha 119:31

Ndakakatila kukwiisha kwanu noBaami baLesa, mutandekeleshi kwaamba ayi nenshekwe nsoni.

Kulumbaisha 72:13

Abo balefukite abakandu ulaakubanyumfwila nkumbu, ulaakupulusha buumi bwa baabo bataaku mbobabete.

Kulumbaisha 72:4

Mwaami wanu aakoomboloshe bakandu cakutanyengelela. Aakacafwe bataaku mbobabete, akupwayoola baabo babalyatilila.

Kulumbaisha 35:10

Ndaakwaamba camoyo woonse ayi, “NoBaami baLesa, anu ngani uli anga ndimwe? Ee, mwebo nomupulusha ulefukite kubaabo mbaatakoonshi kukoma. Ncakwiila mwebo mulapulusha bapenshi kubaabo babalyatilila.”

Kulumbaisha 55:8

Alimwi inga ndacabaana kulangoola mwakuyuba, kuyuba cipuupu ciyoosha alimwi mfuula ya mapensho.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Kulumbaisha 121:5

Mwaami Lesa ngomulama, Lakwe ncecimfule cako kulyaansa lyako lyalulyo.

Isaya 8:14

Nebo ndi anga ngumusena wakuyubaamo. Sombi kubene Isilaeli abene Juda ndaakuba anga ndibwe lisuntula bantu, ncakwiila mwaandami ulengesha bantu kuwa. Kubene Jelusalemu ndaakuba anga nkoose umo mweshi bakacatwe.

Isaya 16:3

Batokwaambila bene Juda ayi, “Amutulwiiteeko mbweshi tucite. Amutupeeko muyeeyo wakucita. Amutufuneeko bweenka cimfule mbocitontosha ciindi lisuba ndiliba pakati ka mutwi cilimo. Twacicila kokuno ayi mutushiseeko, mutatwaabi kubalwani besu.

Isaya 28:6

Ulaakupa boomboloshi moyo wakoombolosha cakutanyengelela. Kubaabo bakunkana abalwani kuminjililo ya ndabala ulaakunoobapa nkusu.

Isaya 29:20

Sombi ico ciindi batacite nkumbu balaakuloba. Beshikucelebula babyaabo balaakushimingana abamucita shibi bamwi boonse balaakunyonyoolwa.

Isaya 57:13

Ee, atukabone na shibumbwabumbwa shanu shilaakumucafwa mwaakushililila lucafwo! Ncakwiila muuwo ulaakushitola shoonse, ee, shilaakuululukabo kukuyoya kwa linkanda lyomwi. Sombi muntu uyo woonse uyubila muli ndime ulaakupekwa cishi ici pantu pomwi akalundu kangu kasalalite.”

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Esekelo 38:9

Webo abashilumamba bako boonse alimwi amishobo imwi iinji njooli ayo, mulaakuya munkondo akulwana anga ncipuupu cinene. Mulaakubabo anga ndikumbi lyafwekelesha cishi.’ ”

Kulumbaisha 9:10

Boonse abo beshi liina lyanu balamushoma, ceebo mwebo noBaami baLesa tamusuuli besa kuli ndimwe.