Isaya 25:3 - Baibo Busansulushi Bwa Libuku Ili

³ Paceebo ceeco mishobo yankusu ilaakumulemeka. Ee, bantu ba mumandabala a mishobo itacite nkumbu ilaakuloonda.

Isaya 25:3 Referans Kwoze

Sekaliya 14:16

Lyalo boonse beshi bakacaaleewo pamishobo iyo yeshi ikalwane Jelusalemu balaakunooya kooko mwaaka amwaaka mukulambila Mwaami, Mwaami Lesa Shinkusu shoonse. Balaakunooya mukucanika kuKusekelela kwa Shimpaka.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Ciyubululo 11:13

Paciindi ncemunya ici, kwakaba citentanshi cinene abuumbi. Mpeeke cipansha calikumi ca ndabala inene cakanyonyooka alimwi abantu bali 7,000 bakafwa. Lyalo bantu boonse bakacaala bakaloonda abuumbi akutalika kulumbaisha Lesa wa kwiculu ceebo ca nkusu shakwe.

Esekelo 38:23

Mukucita boobo ndaakutondesha mishobo yoonse ayi ndalemekwa alimwi ayi ndisalalite pameenso abo. Lyalo ndyeshi bakeshibe ayi nebo ndi Mwaami Lesa.”

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Isaya 24:15

Aboobo mwebo nobakwicwe amulemeke Mwaami Lesa, Lesa wa bene Isilaeli. Amumulemeke amwebo nomuli pansumbu sha palweenge.

Isaya 29:5

Nakubi boobo makoto makoto abalwani bako alaakubabo anga ndusuko luyabo amuuwo. Ee, balwani banu batacite nkumbu balaakubabo mbuungu butooya cuululuka. Ncakwiila muciindi ciniinibo alimwi cakuteengashila

Mika 7:17

Balaakunoomyanguta bulongo anga ninsoka, ee, anga shilongolo shikalaba panshi. Balaakunoosa kabatutuma mushiyubilo shabo. Balaakusandukila kuli ndime neMwaami Lesa, Lesa wanu ceebo ca boowa alimwi balaakunooloonda ndimwe.”