Isaya 24:6 - Baibo Busansulushi Bwa Libuku Ili

⁶ Mwaami Lesa washingana cishi ca panshi. Bantu bekala mumo bapekwa mulandu paceeco ncebakacita. Aboobo bantu bamana kuloba cakwaamba ayi kwacaalabo baniini.

Isaya 24:6 Referans Kwoze

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Mateyo 7:14

Sombi mulyango utola kubuumi butamaani ulishaankene alimwi nshila iyaako ilishupite. Aboobo bantu baikonkela mbaniini.

Bene Loma 9:27

Alakwe Isaya mulaluki mukulukulu wakaamba cankusu pabene Isilaeli ayi, “Nakubi kwaamba ayi bene Isilaeli mbaanji anga ngumuseese uli muloombe lwa lweenge, sombi mbaniini beshi bakapulushikwe.

Malaki 4:6

Lakwe ulaakulengesha bamashali basankwa ayi batalike alimwi kunyumfwana abana babo. Na bakabule kucita boobo, ndaakwisa mukunyonyoola cishi canu.”

Bene Lefi 26:22

Lyalo ndaakutuma banyama bakali pakati kanu abo beshi bakacaye bana banu, kunyonyoola shifubwa shanu, akushiyawobo baniini pakati kanu cakwaamba ayi munshila shanu shoonse mulaakunoobula abeshikwiindaamo.

2 Pita 3:10

Sombi Bushiku bwakwisa kwa Mwaami, bulaakwisa anga ngumwiipi. PaBushiku ubo, liculu lilaakumana acoongo cinene, shintu shoonse sha kwiculu shilaakupya akunyonyoolwa, acalo cishi ca panshi ashintu shoonse shiliimo shilaakupya.

Malaki 3:9

Mushobo wanu woonse ulishinganishitwe ceebo mulampamba.

Malaki 2:2

mulyeelete kunoolemeka liina lyangu mumicito yanu. Na munoobula kunyumfwila, ndaakumushingana pantu pomwi ashintu isho nshemutambula ayi shinoomucafwa. Ncakwiila ndashishingana kale mukwiinga tamukonkeli mulawo wangu amoyo woonse.

Esekelo 5:3

Nakubi boobo ukafweemunewo misusu iniini akwiifungila mumupeto wa cakufwala cako.

Isaya 1:31

Ono bweenka kalilo kaniini mbokatenta bwiisu buyumu, mbweeke ubo beshinkusu mbweshi bakanyonyoolwe kububi bwabo. Ndushinisho taaku weshi akakonshe kumanisha kunyonyooka kwabo.

Dutolonomi 28:62

Nacibi kwaamba ayi mwakalinga baanji anga ninyenyeenshi, mulaakucaalabo nongaye ceebo tamukwe kunyumfwila Mwaami Lesa, Lesa wanu.

Dutolonomi 4:27

Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.

Mateyo 27:25

Mpeeke bantu boonse bakakumbula ayi, “Mulandu wa lufu lwakwe aube pali ndiswe abana besu.”

Isaya 5:24

Ono aboobo bweenka mile ya bwiisu mboipya cakumaninina ee, bweenka bwiisu buyumu mbobululuma pakupya, mbweeke ubo muyanda wabo ulaakubola. Aalo maluba abo alaakuululuka anga ndusuko ceebo bakaka milawo ya Mwaami Lesa Shinkusu shoonse, ee, ceebo basuula maswi a Usalalite wa bene Isilaeli.

Isaya 9:19

Nceceeco bukali bwa Mwaami Lesa Shinkusu shoonse ncebwatentela cishi alimwi bantu baba nsheenkuni shitoobilimya mulilo uyo. Ono taaku nabi womwi weshi akafwite nkumbu mukwabo.

Isaya 34:5

Ono mupeeni wangu neMwaami Lesa walibambila kale kunyonyoola. Ncakwiila ulaakwisa mukupa mulandu bene Edomu, bantu abo mbondakaamba cakushinisha ayi balyeelete kunyonyoolwa.

Isaya 43:28

Abalo baleli banu bakabisha musena wangu usalalite. Paceebo ceeco ndakalengesha bene Isilaeli kunyonyoolwa. Ncakwiila ndakalekelesha bantu bangu ayi bacobolwe.”

Jelemiya 5:14

Paceebo ceeco Mwaami Lesa, Lesa Shinkusu shoonse utokwaamba ayi, “Jelemiya, ono ceebo bantu aba bakaamba maswi aya, ndaakulengesha maswi angu ali mumulomo wako kuba mulilo akulengesha bantu aba kuba nkuni sheshi shikapye kumulilo uyo.

2 Baami 24:12

Lyalo mwaami Jeoiyakini mwaami wa bene Juda wakalyaaba mumaansaakwe Nebukadinesa pantu pomwi abanyina, bana bakwe basankwa, bamatanjilili ba bashilumamba alimwi abacinenenene ba kuŋanda ya bwaami boonse. Mumwaaka wasanu ayotatwe wa bwaami bwakwe Nebukadinesa mwaami wa bene Babiloni, Jeoiyakini mwaami wa bene Juda wakatolwa busha kuli nguwe.

2 Baami 25:12

Sombi wakashiyabo bakandu abo batakalinga kucitewo buboni akubapa ncito yakulima mumyuunda ya minyansa amumyuunda imwi.

Isaya 1:9

Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.

Jelemiya 12:4

Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”