Isaya 24:16 - Baibo Busansulushi Bwa Libuku Ili

¹⁶ Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Isaya 24:16 Referans Kwoze

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Jelemiya 5:11

Bene Isilaeli abene Juda bakaalililabo kushomeka kuli ndime. Nebo neMwaami Lesa ndaamba.”

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Jelemiya 3:20

Sombi bweenka mbuli mwanakashi utashomeki kuli ibaye, mbweeke ubo amwebo mbomutashomeki kuli ndime mwebo nobene Isilaeli. Nebo neMwaami Lesa ndaamba.”

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Milimo ya Batumwi 13:47

Mukwiinga Mwaami Lesa wakatupa mulasho wakwaamba ayi, ‘Ndakubika kwaamba ayi ube mumuni kubaswamashi bakunsengwe, kwaamba ayi bantu boonse ba mucishi bapulushikwe kwiinda muli ndiwe.’ ”

Maako 13:27

Lyalo MwanaaMuntu ulaakutuma baanjelo kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Abakuku 1:3

Ceebonshi mulanengesha kubona shintu shitaluleme? Ceebonshi mulalangilishabo shilubo sha mushobo uyu? Amubone ndishiitebo pakati ka kunyonyoolwa ashimfulunganya. Kulwana akupikishanya kulibo kumbasu shangu shoonse.

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Osiya 6:7

Ono mwebo mwapwaya cipangano bweenka bwakapwaya Adamu.

Osiya 5:7

Bantu abo tabashomeki kuli ndime neMwaami Lesa abalo bana babo teshi baangu. Aboobo balo balaakunyonyoolwa pantu pomwi amyuunda yabo pakusekelela kwa Mweenshi Upya.

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Jelemiya 12:6

Bakwanu, ee, mboolyaabo mbale yomwi, bakwaaba. Balapaankana abantu bamwi ayi bakulwaane Utanoobashoma nabi kabaamba shibotu pali ndiwe.”

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 48:8

Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.

Isaya 28:5

Pabushiku ubo Mwaami Lesa Shinkusu shoonse ulaakuba anga ngumushini wa bulemu, ulaakuba anga ningala ya maluba yeebeleka, kubantu bakwe beshi bakacaaleewo.

Isaya 26:15

“NoBaami baLesa, mwalengesha mushobo wesu kukomena. Mwakomenesha manyinsa a cishi cesu mumbasu shoonse. Paceebo ceeco mulapekwa bulemu.

Isaya 17:4

“Pabushiku ubo bulemu bwa bamulunyungu lwakwe Jakobo bulaakuba anga ninsalu yamana mubala. Mumusena wakuba babile balaakuba bakandu.

Isaya 10:16

Paceebo ceeco Mwaami Lesa, ee, Mwaami Lesa Shinkusu shoonse ulaakutuma bulwashi bucaya pakati ka bashilumamba ba muleli uyo. Lyalo kulisumpula kwakwe kulaakupya amulilo utashimiki.

Kulumbaisha 106:15

Aboobo wakabapa shoonse nshebakasenga, sombi wakabatumina bulwashi buyoosha.

Kulumbaisha 98:3

Wakalama cipangano cakwe kubene Isilaeli. Wakashomeka akutondesha lusuno lwakwe lutamaani kuli mbabo. Lupulusho lwakwe Lesa wesu, bantu boonse mucishi coonse balubona.

Kulumbaisha 67:7

Lesa watupa coolwe, aboobo bantu boonse mucishi ca panshi abamulemeke.

Kulumbaisha 58:10

Baluleme balaakusangalala na bakabone bamucita shibi kababooshelwa cishole. Balaakukondwa kukubula mubulowa bwa bamucita shibi amyeendo yabo.

Kulumbaisha 2:8

Senga kuli ndime, ntookupa mishobo yoonse ayi ibe yaako. Nkokwaamba ayi cishi coonse ca panshi citooba caako.

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Bene Lefi 26:39

Ono abo beshi bakacaaleewo pakati kanu mushishi sha balwani, balaakunyonyooka ceebo ca bubi bwanu nobeene alimwi abubi bwa bamashali banu bakulukulu.

Kulumbaisha 65:8

Abo bekala kweela cishi ca panshi balaloonda shaankamiko nshemwakacita. Milimo yanu ilabapa kukondwa Kuswa kulubasu lumwi lwa cishi kuya mukushika akulumwi.

Kulumbaisha 119:158

Ndafundookwa kumoyo na ndalanga bantu batashomeki ceebo tabakonkeli maswi anu.

Isaya 11:12

Mwaami Lesa ulaakwiimika mbembela yakwe kutondesha mishobo imwi yoonse ayi utooyobolola cipya bantu bakwe bene Isilaeli abene Juda. Ee, kuyobolola baabo bapalangene kuswa mumbasu shoonse shone sha cishi ca panshi.

Isaya 42:10

Amwiimbile Mwaami Lesa lwiimbo lupya, Amumwiimbile nyimbo shakulumbaisha nomuli kweela lya cishi ca panshi. Amumulumbaishe nomweendela palweenge, amwebo noshilengwa sha mumo amumulumbaishe. Amumwiimbile nobamushishi sha muloombe lwa lweenge!

Abakuku 1:13

Meenso anu alisalalite abuumbi cakunoolangabo bubi kabucitika. Tamukoonshi kusuminisha ayi shitaluleme shinoocitikabo. Ino ono ceebonshi mutokweebelabo bamucita shibi aba batashomeki? Ino ceebonshi mulyuumwitebo bamucita shibi kabanyonyoola cakumaninina bantu baluleme kwiinda mbabo?

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”