Isaya 24:14 - Baibo Busansulushi Bwa Libuku Ili

¹⁴ Bantu beshi bakacaaleewo, balaakwiimba cakusangalala. Bakumbo balaakulumba bulemu bwa Mwaami Lesa.

Isaya 24:14 Referans Kwoze

Sekaliya 2:10

Mwaami Lesa waamba ayi, “Amoolobeshe akusangalala nobene Siyoni ceebo ntoosa mukwikala pakati kanu.”

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Jelemiya 31:12

Balaakwisa akoolobesha cakusangalala peculu lya tulundu twa Siyoni. Balaakukondwa ceebo ca coolwe ncaakabapa Mwaami Lesa, nkokwaamba ayi shili anga ngamaila, waini, mafuta a olifi, bana ba mbelele alimwi aba ŋombe. Balaakubabo anga ngumuunda utililwa kabotu alimwi teshi bakabewo tubili mubuumba.

Jelemiya 30:19

Lyalo bantu beshi bakekaleemo balaakunokwiimba nyimbo shakulumbaisha, akupanga ciyobeyobe cakusangalala. Ndaakubafusha cakwaamba ayi teshi bakaceyeewo, sobwe. Ndaakubalemeka cakutanyanshikwawo tubili.

Isaya 54:1

Ono Mwaami Lesa waamba ayi, “Olobesha cakusangalala webo Jelusalemu ee, webo ooli anga ngumwanakashi ŋumba. Imba nyimbo akoolobesha cakukondwa webo nootana kunyumfwawo mwaana mbwaanyona. Ceebo baana ba mwanakashi wakashiiyikwa kuli ibaye mbaanji kwiinda ba wooyo uli aibaye.

Isaya 51:11

Ncakwiila abo mbomwakafuna balaakuboola. Balaakushika kuSiyoni kabeemba. Lyalo balaakunokweenda kabasangalete kwalyoonse alyoonse. Ndushinisho kusangalala teshi kukamaneewo alimwi buumba bwabo amatongooshi shilaakumana.

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Isaya 40:9

Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Isaya 27:2

Pabushiku ubo Mwaami Lesa ulaakwaamba ayi, “Amwiimbe lwiimbo lwa muunda wa minyansa ucata.

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 25:1

NoBaami baLesa, ndimwe baLesa bangu. Ndanoosumpula akulumbaisha liina lyanu. Mwakacita shintu shikankamika abuumbi kwiinda mukushomeka kwanu kutacite kampenda, ee, shintu isho nshemwakabambabo kale kale.

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 60:5

Cikani ici ulaakucibona kacicitika. Lyalo moyo wako ulaakutunooka ceebo ca kusangalala. Buboni bwa baabo bekala kwitala lya lweenge bulaakuletwa kuli ndiwe. Ncakwiila bubile bwa mishobo imwi bulaakwisa kuli ndiwe.

Jelemiya 51:10

Bene Isilaeli bakaamba ayi, “Mwaami Lesa watula patuba kululama kwesu, amwise tuye twaambilishe muSiyoni isho Mwaami Lesa, Lesa wesu nshaatucitila.”