Isaya 23:11 - Baibo Busansulushi Bwa Libuku Ili

¹¹ Mwaami Lesa watandabika lyaansa lyakwe palweenge akulengesha malelo kututuma. Waamba ayi shiyubilo sha bene Kenani shinyonyoolwe.

Isaya 23:11 Referans Kwoze

Kulonga 14:21

Mpeeke Mose wakatandabika lyaansa lyakwe palweenge, alakwe Mwaami Lesa wakapansaanya maanshi kwiinda mumuuwo wakapupa kuswa kwicwe. Muuwo uyo wakapupa mashiku oonse, lyalo palweenge pakaboolabo nta. Maanshi akapansaana.

Joni 2:16

Mpeeke wakalwiita bakalinga kuulisha mpolobe ayi, “Amutole mpolobe ishi pansengwe! Tamweelete kusandula ŋanda ya baTa ayi ibe musena wakuulishisha!”

Maako 11:17

Lyalo wakatalika kwiisha bantu ayi, “Sa muMalembo akwe Lesa tamulembetwe ayi, ‘Ŋanda yangu ilaakwiitwa ayi ŋanda yakupaililaamo mishobo yoonse?’ Sombi mwayaalula yaba momwakuyubila beepi.”

Sekaliya 14:21

Mipika yoonse muJelusalemu amuJuda ilaakunoosalalite kuMwaami Lesa Shinkusu shoonse. Lyalo boonse beshi bakanoosa mukubenga milambu balaakunooisebensesha kutelekelaamo nyama ya mulambu. Ncakwiila pabushiku ubo teshi kukabewo shimakwebo muŊanda yakwe Mwaami Lesa Shinkusu shoonse.

Agayi 2:7

Ndaakutenkaanya mishobo yoonse abuboni bwa njiyo bulaakuletwa kuno. Lyalo ndaakususha Ŋanda yangu abulemu.

Naamu 1:14

Mwebo nobene Asilya, Mwaami Lesa wapa mulasho pali ndimwe ayi, “Teshi mukabeewo abamulunyungu abo beshi bakanokwiitwa meena anu. Ndaakunyonyoola shikoshanyo shakubesa ashibumbwabumbwa isho shili mumaanda akulambililaamo balesa banu. Ndaakubamba cuumbwe canu mukwiinga tamweelete kunoocili boomi.”

Esekelo 31:16

Ndaakulengesha mishobo ya bantu kututuma kumushinga wa ncico bushiku ndaakutuma cisamu ico kumusena wa bafu. Lyalo shisamu shoonse sha muEdeni, shisamu shiindaawo kubota sha muLebanoni, nkokwaamba ayi shisamu shoonse shakalinga kutililwa kabotu isho shakaya kumusena wa bafu shilaakusangalala ceebo ca kuwa kwa ncico.

Esekelo 26:10

Maaki abo alaakunooli aanji cakwaamba ayi alaakushiya akutukulwita lusuko. Lubumbu lwako lulaakutenkaana kucongo ca maaki ankondo, shikoci sha shintu asha nkondo baakunokwiinda pamwinjililo bweenka bantu mbobenjila mundabala icite lubumbu lupwaikite.

Jelemiya 47:7

Ino inga wookesha buyani ceebo nebo neMwaami Lesa ndootuma kuncitila mulimo. Ee, ndootuma kulwana Ashikeloni abantu boonse bekala kuloombe lwa lweenge.”

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Isaya 23:3

kwitala lya lweenge mukuula akuulisha shili anga ngamaila isho shakalinga kushangwa muIjipiti alimwi akucita makwebo a mishobo yoonse. Mukucita boobo bakalengesha ayi mubile abuumbi.

Isaya 10:6

Asilya, ndiwe ndakatuma kuya mukulwana mushobo utalemeki ndime neLesa, mushobo uyo wakankalasha. Ndiwe ndakatuma kuya mukusaala buboni bwabo akubalyatoola anga ngamatombe mumikwakwa.”

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Kulumbaisha 71:3

Amube mwaandami wakuyubaako, uko nkoonjelete kucicila mushiindi shoonse, ceebo mwebo muli mwaandami wangu alilinga lyangu.

Kulumbaisha 46:6

Bamumishobo imwi baliloondete abuumbi, bweene bomwi abomwi bwatenkaana. Lesa ulalulumabo, lyalo cishi ca panshi cilasunguluka.

Matalikilo 9:25

Wakaamba ayi, “Ndashingana Kenani! Ulaakuba musha kubamakwabo.”

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 13:13

Ndaakulengesha liculu kututuma acalo cishi ca panshi cilaakutenkaanishikwaawo pamusena wa ncico. Pabushiku ubo nebo neMwaami Lesa Shinkusu shoonse ndaakuyubulula bukali bwangu buyoosha.

Isaya 14:26

Anu ubo mbondabamba ayi nkacite mucishi coonse ca panshi. Ndanyamuna kale lyaansa lyangu kwaamba ayi mpe mulandu bantu bamishobo yoonse.”

Isaya 19:5

Mulonga wa Nailo ulaakuyuminina, ee, mwiinda maanshi mulaakuyumabo nta.

Isaya 23:10

Amumwaike mucishi canu bweenka busefuka mulonga wa Nailo mwebo nobantu ba kuTashishi. Bulya taaku cintu citoomushinkilisha.

Isaya 50:2

“Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

Esekelo 26:4

Balaakunyonyoola lubumbu lwako akumwayoola maandaako alaamfu. Lyalo ndaakupyanga lusuko lwa shakuyakisha akushiyabo mwaandami weenka.