Isaya 22:25 - Baibo Busansulushi Bwa Libuku Ili

²⁵ Ico caakucitika mpoopo iyo yakapopwa cakwiishimpya ilaakutenkaana akuwa. Lyalo shoonse isho sheshi shikanookobeketweeko shilaakunyonyooka cakumaninina.” Mwaami Lesa waamba.

Isaya 22:25 Referans Kwoze

Isaya 46:11

Ncakwiila ntokwiita musankwa kuswa kwicwe. Ulaakwisa mukulwana cakutamwiingashila anga ngucikupwi kwaamba ayi acite kweelana amuyeeyo ngondakapanga.

Mika 4:4

Muntu womwi awomwi ulaakunookala muluumuno pakati ka minyansa yakwe ashisamu shakwe sha nkuyu. Ncakwiila taaku eshi akamuloondeshe. Mwaami Lesa Shinkusu shoonse mbwaakashomesha ubo.

Isaya 22:23

Ndaakumushimpya pamusena wakwe anga nimpoopo yakapopwa cankusu. Ulaakulengesha bamuŋanda ya baishi kuba abulemu.

Kulumbaisha 146:3

Mutaciinki manungo mubamaami, mbantubo tabakoonshi kumufuna.

Esekelo 5:17

Ndaakutuma nsala abanyama bamuluundu pali ndimwe mukucaya bana banu. Ndaakutuma mwaalu, kutila bulowa ankoondo mukumucaya. Nebo neMwaami Lesa ndaamba.’ ”

Esekelo 5:15

Ncakwiila ndaakumulengesha kuba cintu ceelete kucobolwa akucelebulwa. Mulaakuba cintu cakucenjesheshaako alimwi cintu ciloondesha kumishobo imushingulukite. Ishi shilaakucitika bushiku ndaakumupa mulandu mubukali bwangu, ee, mubukali buyoosha alimwi amukumukalalila cankusu. Nebo neMwaami Lesa ndaamba.

Esekelo 5:13

“ ‘Cilemeneshi ca bukali bwangu buyoosha boonse mulaakucinyumfwa ndaakumana kuboosha cishole. Pakumana kubatondesha bukali bwangu buyoosha, ndyeshi bakeshibe kwaamba ayi nebo neMwaami Lesa ndaamba kuli ndimwe ceebo ndikalalite abuumbi pakutashomeka kwanu.

Jelemiya 4:28

Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”

Isaya 48:15

Ndime ndakabandikaakwe akumwiita. Ndakamutanjilila nkwaakalinga kuya akumulengesha kuswitilila.

Kulumbaisha 52:5

Paceebo ceeco, Lesa ulaakunyonyweetabo limwi. Ulaakukucata akukukusha muŋanda yako. Ncakwiila ulaakukunonkolaamo mucishi ca boomi.

Isaya 22:24

“Sombi alimwi bamakwabo abaabo mbweshi akanoolela balaakuba anga ngumukuli unene pali nguwe. Bweenka mipika, mbale shifongomene mboshileleela kunkobeko, mbweeke ubo abalo mbweshi bakanoocatite kuli nguwe!