Isaya 20:4 - Baibo Busansulushi Bwa Libuku Ili

⁴ mbweeke ubo mwaami wa bene Asilya ulaakutola busha bene Ijipiti abene Kushi kabali matakosha alimwi kabali myeendobo. Banike abamanene boonse balaakunooyabo amatako patuba mukulensha nsoni bene Ijipiti.

Isaya 20:4 Referans Kwoze

Isaya 19:4

Bene Ijipiti ndaakubaaba mumaansa a mwaami shilunkutwe, ncakwiila mwaami mukali ngweshi akabaleele. Nebo neMwaami Lesa, ee, neMwaami Lesa Shinkusu shoonse ndaamba.”

Jelemiya 13:26

Ndaakunyamununa shifunga shanu akumufwekaasho kumeenso. Lyalo ndaakumushiyabo matakosha.

Jelemiya 13:22

Na mwaliipusha mumyoyo yanu ayi, “Ceebonshi shintu sha mushobo uyu shatucitikila?” Shintu ishi shamucitikila ceebo cakufula kwa shibiibi shanu. Ncecalengesha ayi shifunga shanu shikwamunwe akukumanishikwa cakukakatishikwa.

Ciyubululo 3:18

Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.

Mika 1:11

Nobene Shafili, kamuya mubusha matakosha alimwi munsoni. Abo bekala mundabala inene ya Saanani bateeleshi kuswa mundabala iyo. Bene Beti Eselo batoolila. Teshi bakamufuneewo, napaceyi.

Esekelo 30:18

MuTapanesi mulaakuboolabo mbi ndaakunyaya nkusu cishi ca Ijipiti, akumanisha nkusu nshebakalinga kulisumpwitaawo. Cilaakufweekeleshekwa amakumbi, abalo bamumishi ya ncico balaakutolwa mubusha.

Jelemiya 46:26

Ndaakubaaba mumaansa a baabo babafwima, ee, kuli Nebukadinesa mwaami wa bene Babiloni abamatanjilili ba bashilumamba bakwe. Pesule lya sheeshi, bantu balaakuboola alimwi muIjipiti akunookala bweenka mbuli kale kale. Nebo neMwaami Lesa ndaamba.”

Isaya 47:3

Bantu batookubona koolibo nduno. Lyalo nsoni shitookucata cakuyanda kukupisha panshi. Ncakwiila ntooboosha cishole alimwi taaku weshi ankaashe.”

Isaya 3:17

Paceebo ceeco nebo neMwaami Lesa ndaakulengesha ayi mumitwi yabo mube shiloonda. Womwi awomwi ndaakumulengesha kuba alubala.”

2 Samwelo 10:4

Mpomunyaawo Anuni wakacata basankwa bakwe Defedi abo, wabacesa ndesu lubasu, watimbula shakufwala shabo kuswa mucibuno kuya panshi, akubaambila ayi banooya.

Isaya 47:2

Bwesa mpelo upele fulaulo. Fuula kasani kateshimite kakulifweka kumeenso. Pimpa cifunga cako myeendo icaale patuba. Lyalo ukubule mumaanshi kusubuka tulonga.

Jelemiya 46:19

Amulongele buboni bwanu ceebo mutooya mubusha, mwebo nomwikala muIjipiti. Ndabala ya Memfisi itoonyonyoolwa akuba matongo cakubula aukalaamo.

Amosi 9:7

Mwaami Lesa utookwaamba ayi, “Kuli ndime, nobene Isilaeli muli anga mbene Kushi. Bweenka mbondakakusha bene Isilaeli kuIjipiti, mbweeke ubo mbondakakusha bene Filisiti kuKileti alimwi abene Silya kuswa kuKili.

Naamu 3:10

Nakubi boobo bantu ba njiyo bakacatwa busha. Bakateta babo bakoomwa kushikila bafwa moonse mupetukila mikwakwa ya mundabala inene. Cisolo cakoomwa kubaana bamaloba ba njiyo abalo bacinenenene bakaangwa muncetani.

Sefaniya 2:12

Amwebo nobene Kushi, mulaakuyaswa kumupeeni wa Mwaami Lesa munkondo.

1 Makani 19:4

Mpomunyaawo Anuni wakacata basankwa bakwe Defedi abo, wabacesa ndesu lubasu, watimbula shakufwala shabo kuswa mucibuno kuya panshi, akubaambila ayi banooya.

Isaya 31:2

Nakubi boobo Mwaami Lesa alakwe ngumusongo, ulanyonyoola alimwi taalubi kucita cintu ncaapinga kale. Anu ulaakupa mulandu bamucita shibi abaabo boonse babacafwa.

Isaya 31:3

Bene Ijipiti teshi balesa, mbantubo. Aalo Maaki abo taacite nkusu sha bulesa. Aboobo bushiku Mwaami Lesa aakutondesha bukali bwakwe mushobo uyumu ulaakunyonyoolwa akulobeshekwa pantu pomwi amushobo uyo ucafwikwa kuli nguwo.