Isaya 19:25 - Baibo Busansulushi Bwa Libuku Ili

²⁵ Mwaami Lesa Shinkusu shoonse ulaakubapa coolwe mukwaamba ayi, “Pabene Ijipiti bantu bangu, pabene Asilya bantu mbondakalenga apabene Isilaeli bantu mbondakalisalila, apabe coolwe.”

Isaya 19:25 Referans Kwoze

Isaya 29:23

Baakubona baana mbweshi nkabape, balaakusumina ayi ndime Wooyo Usalalite wa bamulunyungu lwakwe Jakobo. Lyalo balaakunoondemeka neLesa wa bene Isilaeli.

Osiya 2:23

Isilaeli ndaakumushanga mucishi kwaamba ayi akabe waangu. Ndushinisho ndaakutondesha lusuno kubaabo bakalinga kwaambwa ayi, ‘Bateshi basunikwi bangu.’ Ndaakwaambila baabo bakalinga kwaambwa ayi, ‘Bateshi bantu bangu’ ayi, ‘Mwebo muli bantu bangu,’ abalo balaakukumbula ayi, ‘Muli baLesa besu.’ ”

Kulumbaisha 138:8

NoBaami baLesa mulaakuncitila shoonse nshemwakanshomesha. Lusuno lwanu noBaami baLesa ndwamuyayaya. Mutalekeleshi milimo ya maansaanu.

Kulumbaisha 115:15

Aamupe coolwe Mwaami Lesa uyo wakalenga liculu acishi ca panshi.

Dutolonomi 32:9

Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.

Isaya 61:9

Bamulunyungu lwakwe balaakunooshibikitwe pakati ka mishobo imwi, ee, bana babo balaakunooshibikitwe pakati ka baswamashi. Boonse beshi bakanoobabona balaakunoosumina ayi ncakwiila aba mbantu Mwaami Lesa mbwaakapa coolwe.”

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Shakubelenga 6:27

Lyalo Mwaami Lesa wakaamba ayi, “Na bakabande liina lyangu pakupa bene Isilaeli coolwe, ncakwiila ndaakubapa coolwe.”

Shakubelenga 6:24

‘Mwaami Lesa aamupe coolwe akumulama.

Bene Filipi 1:6

Ndishinishite kwaamba ayi Lesa wakatalika ncito ibotu muli ndimwe ulaakutolelela akwiimanishisha paBushiku ubo aakuboola Klistu Jesu.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Bene Galatiya 6:15

Mukwiinga kupalulwa nabi kutapalulwa taaku mbokubeteewo, sombi cintu cinene nkuba abuumi bupya.

Isaya 65:23

Teshi bakanoosebenselawo citacite mpindu, nabi kushala baana beshi bakanoopengabo. Balaakuba bantu abo nebo neMwaami Lesa mbweshi nkape coolwe, nkokwaamba ayi balo abamulunyungu lwabo boonse.

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Isaya 45:11

Ono Mwaami Lesa, Lesa Usalalite wa bene Isilaeli uyo wakababumba waamba ayi, “Sa inga mwanjipusha shabana bangu nabi kundwiita nceenjelete kucita?

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

1 Pita 2:10

Kale kale temwakalinga bantu bakwe Lesa, sombi ono muli bantu bakwe. Kale kale temwakalinga kwishi nkumbu shakwe Lesa, sombi ono mwatambula nkumbu shakwe.

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

Bene Loma 3:29

Sa Lesa ngwa baJudabo beenka? Sa teshi wa baswamashi bakunsengwe abalo? Ee, nguLesa wa baswamashi bakunsengwe abalo.

Shakubelenga 24:1

Paciindi ici Balaamu wakeshiba ayi Mwaami Lesa wakalinga kusuni ayi ape bene Isilaeli coolwe. Aboobo taakwe kuya mukuyandoola shitondesho shimwi shabuŋanga kweelana ambwaakalinga kucita mushiindi shimwi. Sombi wakalanga kulubasu lwa luyanga

Isaya 19:24

Ciindi ico caakushikila bene Isilaeli, bene Ijipiti abene Asilya balaakulambilila pantu pomwi. Munshila iyo mishobo iyo ilaakuleta coolwe kucishi coonse ca panshi.

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Sekaliya 8:13

Nobene Juda abene Isilaeli, kalekale baswamashi bakalinga kushingana womwi awomwi mukwaamba ayi, ‘Aamulokele mapensho eenka akacitikila bene Juda abene Isilaeli!’ Sombi nebo ndaakumupulusha. Lyalo baswamashi abo balaakwaambilana womwi awomwi ayi, ‘Tambula shoolwe isho shakapekwa bene Juda abene Isilaeli!’ Aboobo amuyumye myoyo, mutaloondi.”

Isaya 63:17

Anu nceebonshi noBaami baLesa ncemutulengeshesha kuswa munshila shanu? Ceebonshi mulatuyumya myoyo cakwaamba ayi tunoobula kumulemeka? Amupiluke kuli ndiswe ceebo ca baabo bamusebensela ee, ceebo ca baabo bali mumaansaanu lyoonse.

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.