Isaya 18:7 - Baibo Busansulushi Bwa Libuku Ili

⁷ Paciindi ico shipo shilaakuletwa kuMwaami Lesa kuswa kubantu balaamfu, bateshimite shikanda alimwi bantu baloondwa cishi coonse. Ee, kuswa kumushobo ucite beshinkusu, ncakwiila kuswa kucishi cibaanishitwe amilonga. Bantu abo balaakwisa kuKalundu ka Siyoni uko Mwaami Lesa Shinkusu shoonse nkwaalambililwa.

Isaya 18:7 Referans Kwoze

Sefaniya 3:10

Ncakwiila nabi kwitala lya milonga ya kuKushi, bantu banambila, ee, bantu bangu bakapalanganina mucishi, balaakwisa mukubenga milambu kuli ndime.

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 18:4

Mwaami Lesa wandwiita ayi, “Ndaakulanga panshi kuswa kwiculu mubuumwite akunokweebelabo kaandi mumusena umo moonkala bweenka bubala lisuba na lyashika pakati ka mutwi nabi bweenka buloka mume ciindi cakutebula.

2 Makani 32:23

Bantu baanji bakalinga kuleta shipo sha Mwaami Lesa kuJelusalemu ashintu shimwi shamakwebo kuli Esekiya mwaami wa bene Juda. Kuswa ciindi ico lakwe wakalinga kulemekwa abuumbi abantu ba mumishobo yoonse.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Isaya 16:1

Amutumishe bana ba mbelele kumuleli wa cishi ayi ncipo cakumulemeka. Kuswa kuSela mucilingane luyanga tibili muye mushike kuJelusalemu, ee, kukalundu ka Mwaana mwanakashi wakwe Siyoni.

Mateyo 2:11

Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Isaya 18:2

Kuswa kucishi ico kulatumwa bashinkombe mumaato a matete paMulonga wa Nailo. Ono amuboolele mwebo nobeshinkombe beenda cakufwambaana! Amutole nkombe kubantu balaamfu, bateshimite shikanda alimwi bantu baloondwa cishi coonse. Ee, kumushobo ucite beshinkusu, ncakwiila kucishi cibaanishitwe amilonga.

Abakuku 1:7

Mbantu baloondwa alimwi bayoosha. Ncakwiila mbantu abo balipangilabo milawo beene abwalo bulemu balalipabo beene.

Kulumbaisha 68:32

Amwiimbile Lesa nomalelo a pacishi ca panshi. Amwiimbe nyimbo shakulumbaisha kuMwaami Lesa.