Isaya 17:12 - Baibo Busansulushi Bwa Libuku Ili

¹² Amunyumfwe bukali bwa bantu bamumishobo iinji. Mbakalibo anga ncipuupu ciyoosha ca palweenge! Ciyobeyobe cabo cilibo anga nciwuutila ca maaba ayoosha!

Isaya 17:12 Referans Kwoze

Luka 21:25

“Kulaakuba shitondesho kulisuba, kumweenshi akunyenyeenshi. Pacishi ca panshi, bantu balaakulisukama akuloonda abuumbi mushishi shoonse, pakunyumfwa kuwoota kwa lweenge amaaba.

Jelemiya 6:23

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Jelusalemu.”

Kulumbaisha 18:4

Lufu lwakampombela anga nintambo, kunyonyooka kwakanshinguluka anga ngumukuuku.

Ciyubululo 17:15

Munjelo uyu alimwi wakaŋambila ayi, “Maanshi alya ngowalinga wabona kapashiite mwanakashi mufuule uyo aleemikanina mishobo, shishi, shikanda shipusenepusene alimwi amilaka.

Ciyubululo 17:1

Lyalo umwi munjelo pakati ka baabo bali bosanwe abobilo bakalinga kucite mbale shifongomene shosanwe ashobilo, wakesa mukundwiita ayi, “Kosa nkuboneshe mbuli mwanakashi mufuule uyo wakaya mpuwo mbweshi akapekwe mulandu, njendabala inene iyo ili pafwaafwi amilonga iinji.

Esekelo 43:2

uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.

Isaya 28:17

Ndaakulengesha ayi koombolosha cakutanyengelela kuba ntambo yakuyakisha, ee, bululami kuba ncecipimo.” Lyalo ciyubilo canu, ee, bubeshi, cilaakutolwa amfuula ya mabwe, maanshi alaakufwekelesha misena momuyubila.

Isaya 9:5

Nkwabilo sha bashilumamba isho nshebakalinga kusebensesha munkondo pantu pomwi ashakufwala shabo shoonse shinankeene bulowa shilaakutentwa mumulilo.

Kulumbaisha 29:3

Liswi lya Mwaami Lesa lilanyumfwika pamaanshi, ncakwiila Mwaami Lesa shibulemu ulaluluma, ulaluluma peculu lya maanshi ayoosha.

Shakubelenga 10:35

Kulilabo na Libokoshi lya Cipangano lyanyamuka, Mose wakalinga kwaamba ayi, “Amunyamuke noBaami baLesa, amupalanganye balwani banu boonse akulengesha baabo bamupatite kucica!”

Kulumbaisha 83:2

Amubone balwani banu mbobamubukila. Amubone bamupatite mbobamwaashukila.

Isaya 8:9

Amubungane caboowa mwebo nomishobo imwi ya bantu! Nakubi boobo mulaakupwayoolwa! Amukutike mwebo noshishi sha kulaale. Amulibambile shankondo, sombi mulaakupwayoolwa! Ee, mulaakulibamba, sombi mulaakupwayoolwa!

Isaya 13:4

Amunyumfwe ciyobeyobe patulundu, ciyobeyobe cili anga nca bantu baanji! Amunyumfwe coongo ca shimfulunganya pakati ka malelo, coongo cili anga nca bantu ba mushishi shiinji babungana. Mwaami Lesa Shinkusu shoonse mwiine ngowabunganya bashilumamba bakwe ayi baye kunkondo.

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.

Mika 4:11

Bulya ono bamumishobo iinji babungana ayi bakulwaane. Boonse baamba ayi, “Ndabala iyi ilyeelete kunyonyoolwa, ndushinisho tutooyanda kusangalala pakubona ndabala ya Siyoni keenyonyookite.”

Danyelo 7:2

Ndakalemba ayi, “Muciloto cangu mashiku ndakalanga akubona myuuwo yone keepuupa kuswa kumbasu shoonse akufundaanya maanshi a mulweenge lulaamfu.