23 Musena uyo ndaakuwaalula kuba cilonga. Ulaakuba umo mweshi mukanookalabo bamwiina. Ndaakuupyanga acipyaango cakunyonyoola, Nebo neMwaami Lesa Shinkusu shoonse ndaamba.”
Shifubwa shoonse shilaakupanga mulela kweenka uko, kubikaawo anyama sha muluundu. Abalo bamwiina balaakunookala mumatongo a njiyo. Balaakunoolila pambwelyo sha maanda. Bacikwangala balaakunookala kumilyango ya njiyo. Mitanti ya sida ya maanda a njiyo ilaakucaala patuba.
Kwakaboneka aumwi munjelo wabili kaamba ayi, “Yawa, yawa ndabala inene ya Babiloni! Yakalengesha ayi bantu ba mishobo yoonse kunwa waini ukali wa bufuule bwa njiyo!”
Paceebo ceeci ntooleta mapensho aanji pabamulunyungu lwako akucaya bamulunyungu lwako basankwa boonse banike abamanene. Ndaakutandaanya bamuŋanda yako boonse. Balaakupyeelwa anga ngamafumba.
Wakoolobesha ayi, “Yawa, yawa ndabala inene ya Babiloni! Yaba momwakwikala bashikaswa ba mishobo yoonse. Yaba momwakwikala shiyuni shitasalalite alimwi shilensha bunya.
Ndaakupa bene Jelusalemu mulandu bweenka mbondakapa bene Samaliya aAabu mwaami wa bene Isilaeli abamulunyungu lwakwe. Ndaakusalasha ndabala ya Jelusalemu bweenka muntu mbwaapukuta mbale akwisulika.
Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.
Taaku muntu nabi womwi weshi akekaleemo tubili. Taaku muAlabu shikwiingooka nabi womwi weshi akayakemo musumba alimwi taaku mweembeshi nabi womwi weshi akeembeleleemo mbelele shakwe umo.
Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.
“Mushobo wa kumatwa ulaakubalwana akunyonyoola cishi cabo. Taaku muntu weshi akekaleemo, bantu alimwi abanyama boonse balaakucicaamo.”
Amwise mubalwaane kuswa kulaamfu. Amupwaye maandaabo akusungilamo shakulya akubunjika shakusaala mumilwi milwi mbuli shili anga ngamaila. Mubanyonyoole cakumaninina kubule aucaalaawo.
Kuswawaawo ukapaile ayi, ‘NoBaami baLesa, mwakaamba ayi mulaakunyonyoola musena uno akuulengesha ayi kubule muntu nabi munyama wikalaamo tubili. Sombi ayi ulaakuba matongo kwalyoonse alyoonse.’