Isaya 14:2 - Baibo Busansulushi Bwa Libuku Ili

² Mishobo imwi ya bantu ilaakucafwa bene Isilaeli kuboola kucishi ico cakabapa Mwaami Lesa. Mucishi ico bantu bamumishobo imwi iyo balaakuba basha kubene Isilaeli. Lyalo abo bakalinga bacata bene Isilaeli busha, balaakuba mbabo basha kubene Isilaeli. Ncakwiila bene Isilaeli balaakulela baabo bakalinga kubalyatilila.

Isaya 14:2 Referans Kwoze

Isaya 61:5

Beshi bakanoomweembelelako mbelele ampongo mbaswamashi. Ee, beshi bakanoomulimina myuunda imwi aya minyansa mbanaabenebo.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Jelemiya 30:16

“Sombi abo boonse beshibakamunyonyoole, abalo balaakunyonyoolwa. Ncakwiila balwani banu boonse balaakutolwa busha. Abo bamusaala abalo balaakusaalwa. Boonse bamwiipila shintu, ndaakubalengesha kwiipilwa abalo.

Danyelo 7:18

Sombi bantu basalalite bakwe Lesa wa kwiculu Wiindaawo, balaakutambula bulelo ubo bweshi bukabe bwaabo kwalyoonse alyoonse.’

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

Bene Loma 15:27

Beene mbobakayeeya kucita boobo. Nakubi boobo balyeelete kucafwa bakandu. BaJuda bakabaana shoolwe sha Mushimu abaswamashi bakunsengwe. Paceebo ceeco baswamashi bakunsengwe balyeelete kucafwa baJuda, kwiinda mukubapa shintu shiyandika mubuumi bwabo.

Isaya 18:7

Paciindi ico shipo shilaakuletwa kuMwaami Lesa kuswa kubantu balaamfu, bateshimite shikanda alimwi bantu baloondwa cishi coonse. Ee, kuswa kumushobo ucite beshinkusu, ncakwiila kuswa kucishi cibaanishitwe amilonga. Bantu abo balaakwisa kuKalundu ka Siyoni uko Mwaami Lesa Shinkusu shoonse nkwaalambililwa.

Kulumbaisha 68:18

Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.

Bene Efeso 4:8

Mbuli mbokulembetwe muMalembo akwe Lesa ayi, “Ndyaakatanta peculu peene, wakaya abakaili baanji, wakapa shipo kubantu.”

Bene Galatiya 5:13

Mwebo nobamakwesu, Lesa wakamwiita kwaamba ayi mwaanguluke. Anu amucenjele kwaamba ayi lwaanguluko ulu lutamulengeshi kwikala buumi bwa kubisha, sombi mucafwane womwi awomwi mulusuno.

2 Bene Kolinto 10:5

Tulamanisha kupikishanya akulisumpula uko kulengesha bantu ayi bateshibi Lesa. Tulakoma miyeeyo yoonse kwaamba ayi ibe yeeyo inyumfwila Klistu.

Esila 2:65

Basebenshi babo basankwa abanakashi bakalinga 7,337, alimwi abeshikwiimba bakalinga 200 basankwa abanakashi.

Luka 12:45

Ono na musebenshi uyo waamba mumoyo wakwe ayi, ‘Mwaami wangu wacelwa kwisa,’ lyalo watalika kuuma basebenshinyina basankwa abanakashi alimwi akutalika kulya, kunwa akukolwa.

Isaya 31:8

“Cishi ca Asilya cilaakunyonyoolwa kunkondo. Nakubi boobo teshi maansa a bantu eshi akacite boobo, sobwe. Bene Asilya balaakwiicica nkondo iyo, bacikula bwangu babo balaakucatwa cibalu.

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 49:22

Mwaami Lesa Shinkusu shoonse waamba ayi, “Ndaakupa citondesho baswamashi. Ndaakubeemikila mbembela yangu. Lyalo balaakuboosha bana banu basankwa kababayumwitwe pamaansa akunyamuna bana banu banakashi pashifushi.

Isaya 49:25

Sombi Mwaami Lesa waamba ayi, “Ncakwiila basha balaakubwesekwa kuswa kuli shilumamba ucibwene kulwana. Buboni bwakasaalwa bulaakubooshekwa kuswa kubakali. Ndaakulwana muntu uli woonse ulwana ndimwe alimwi bana banu ndaakubapulusha.

Isaya 54:3

Nyinsa kumbasu shoonse ncakwiila ulaakushisenya. Bantu bako balaakubwesa cishi ico cili mumaansa a mishobo imwi bulya. Ee, mandabala anene ayo alinga mumatongo alaakusula bantu alimwi.

Jelemiya 49:2

Sombi ciindi cilaakushikila ndyeshi nkalishe lupeenga lwa nkondo kulwana Laba ndabala inene ya bene Amoni. Ndabala iyo ilaakuba matongo amandabala aishingulukite alaakutentwa. Kuswawaawo bene Isilaeli balaakutandaamo baabo bakalinga babatandaamo. Nebo neMwaami Lesa ndaamba.

Esekelo 39:10

Teshi bakanootepawo nkuni muluundu nabi mumasaka ceebo balaakunoosebensesha shilwanisho isho pakukunka mulilo. Kuswawaawo balaakusaala baabo bakabasaala akubwesa buboni bwa baabo bakababwesela. Nebo neMwaami Lesa Shinkusu shoonse ndaamba.’ ”

Jowelo 3:8

Ndaakuulisha bana banu basankwa abanakashi kubene Juda. Lyalo abalo balaakuboolisha kubene Sabeya mushobo uli kulaale. Nebo neMwaami Lesa ndaamba.

Obadiya 1:17

Mwaami Lesa waamba ayi, “Sombi pakalundu ka Siyoni, bamwi balaakupulushikwa. Kalaakuba musena usalalite. Bamulunyungu lwakwe Jakobo balaakuboola mucishi ico cakabalasha Lesa.

Sekaliya 2:9

“Nebo neMwaami Lesa ndaakumulwana alimwi mulaakusaalwa kubantu beenka abo bakalinga basebenshi banu.” Cintu ici ndyeshi cikacitike, muntu uli woonse ulaakwishiba ayi Mwaami Lesa Shinkusu shoonse wakantuma.

Bene Lefi 25:44

Na mulisuni basha basankwa nabi banakashi, mulyeelete kuboola kumishobo imwi imushingulukite,

Isaya 60:4

Cebooka koonse koonse webo Jelusalemu ubone citoocitika. Bantu bako boonse batooyoboloka kwisa mumishaabo. Bana bako basankwa balaakwisa kuswa kulaale. Bana bako banakashi balaakwisa kabayumwitwe mumaansa anga mbakateta.

Isaya 66:12

Mwaami Lesa wakaamba ayi, “Ndaakumulengesha kuba ashintu shiinji anga ngumulonga wa maanshi uteeli. Buboni bwa mishobo imwi bulaakunoomushikila anga ngamaanshi a mumulonga wasefuka. Mulaakuba anga ngukateta uyamwa uyo ufukatwa abanyina alimwi utondeshekwa lusuno.

Sekaliya 2:13

Ono noonse amuumune kunembo lya Mwaami Lesa ceebo utooswa mumusena wakwe usalalite.