Isaya 13:6 - Baibo Busansulushi Bwa Libuku Ili

⁶ Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 13:6 Referans Kwoze

Jowelo 1:15

Ncakwiila bushiku buyoosha butoosa. Ee, bushiku bwa Mwaami Lesa buli pafwaafwi. Ubo mbobushiku Mwaami Lesa Shinkusu shoonse bweshi akalete lunyonyooko.

Sefaniya 1:7

Amuumune noonse kunembo lya Mwaami Lesa Shinkusu shoonse ceebo bushiku bwa Mwaami Lesa buli pafwaafwi. Mwaami Lesa wabamba bantu ayi babengwe anga ngumulambu, ncakwiila watamba kale abalwani babo ayi bababeenge.

Amosi 5:18

Mapensho kuli ndimwe nomutookumbwa kubona bushiku bwa Mwaami Lesa. Ceebonshi mulakumbwa kubona bushiku ubo? Bushiku ubo bulaakuba bwa munshinshe, kuteshi bwa mumuni.

Isaya 13:9

Amubone bushiku bwa bukali bwa Mwaami Lesa butoosa, bushiku buyoosha alimwi bufundeene kubukali. Butoosa mukunyonyoola cishi coonse akunyonyoola bamucita shibi boonse baliimo.

Ciyubululo 18:10

Balaakwiimikana palaale kuloonda kwaamba ayi inga baakupekwa mulandu abalo. Balaakwaamba ayi, “Mapensho, mapensho kundabala inene ya Babiloni! Ncakwiila muawala yomwibo iyi wapekwa mulandu!”

Jowelo 2:11

Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Jelemiya 51:8

Babiloni ulaakuwa cakufwambaana akupwayooka. Amumulilile cakooloma! Amuyandoole musamu wakushilika shicisa shakwe, mpashi mukuba acoolwe inga washilikwa.”

Isaya 34:8

Ndushinisho Mwaami Lesa ulicite bushiku mbwaatooyanda kuboosha cishole, bushiku bwakulambula bubi mukufuna ndabala ya Siyoni kubalwani ba njiyo.

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

Jemusi 5:1

Amukutike ono nobabile, amulile buumpute amibila ceebo ca mapensho atoosa pali ndimwe.

Malaki 4:5

“Amubone, ndaakumutumina mulaluki Elija bushiku bunene buyoosha bwa Mwaami kabutana kushikila.

Sefaniya 1:14

Bushiku bunene bwa Mwaami Lesa buli pafwaafwi, ncakwiila bulaakwisa coonoono. Kulila pabushiku bwa Mwaami Lesa kulaakubica. Abalo bashilumamba bacibwene kulwana balaakoolobesha ceebo ca buumba.

Jowelo 2:31

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, bushiku ubo bunene alimwi buyoosha.

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jowelo 1:5

Amubuke mulile mwebo nobacakolwa! Amulile mwebo nobeshikunwa waini mukwiinga minyansa yakupangisha waini upya, yanyonyoolwa cakumaninina.

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.

Jobo 31:23

Ceebo Lesa ndamuloonda abuumbi, inga nshicicitiwo ca mushobo uyo.

Jowelo 1:11

Mwebo nobalimi amuungumane. Ee, amuungumane mwebo nomulima minyansa. Amuungumane ceebo witi alimwi abale, ee, ceebo shishango shoonse shanyonyoolwa mumyuunda.

Esekelo 21:12

Ono ulile cakooloma, webo omuntu, ceebo mupeeni uyo utoosita bantu bangu abamatanjilili boonse ba bene Isilaeli. Lyuume pacaamba ceebo ca buumba!

Jelemiya 49:3

“Amoolome, mwebo nobene Eshiboni ceebo ndabala yanu ya Ai yanyonyoolwa. Amwebo nomwikala mucishi ca Laba amufwale masaka mulile cabuumba. Amucice cakupilingana mumalinga anu ceebo lesa wanu Moleki ulaakutolwa mubusha pantu pomwi abapailishi alimwi abacinenenene bakwe.

Isaya 65:14

Basebenshi bangu balaakunoosangalala ceebo cakukondwa kweshi kukanooli mumyoyo yabo. Mwebo mulaakunoolila cakooloma ceebo cabuumba bweshi bukanooli mumyoyo yanu. Ncakwiila mulaakunoolila mibila ceebo ca kutyongooka kwa muuya wanu.

Isaya 52:5

Ono Mwaami Lesa waamba ayi, “Ino caangu apa nciinshi? Bantu bangu batolwa busha kwakubula amalipilo, abalo abo batoobalela, balabacelebula kulilabo bwaca. Peculu lya waawo balacobola liina lyangu cakutacilekaawo.

Isaya 23:1

Aya ngamaswi aamba pacishi ca Taya. Amoolome akulila cabuumba nobeshikweensha maato a kuTashishi palweenge! Ndabala ya kucito cine mishaanu ya Taya yanyonyoolwa. Taaku ŋanda yacaala muli njiyo, cito coonse canyonyoolwa. Aya makani bakaanyumfwa pakuboola amaato kuswa kuSaipulasi.

Jelemiya 25:34

Amulile mibila akulila buumpute, mwebo nobeembeshi. Amwaalabangane mulusuko, mwebo nobamatanjilili ba litanga ceebo ciindi canu cakucaikwa cashikila. Mulaakuwa akupwayoolwa anga ninongo ibotu.

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Isaya 10:25

Coonoonobo bukali bwangu pali ndimwe butoomana. Lyalo ntoobukila mbabo kwaamba ayi mbanyonyoole.

Isaya 14:23

Musena uyo ndaakuwaalula kuba cilonga. Ulaakuba umo mweshi mukanookalabo bamwiina. Ndaakuupyanga acipyaango cakunyonyoola, Nebo neMwaami Lesa Shinkusu shoonse ndaamba.”

Isaya 34:2

Mwaami Lesa wakalalila baswamashi boonse, bukali bwakwe buli pamakoto abo oonse a bashilumamba. Boonse ulaakubanyonyoola cakumaninina. Ulaakubaaba ayi bacaikwe.

Isaya 47:11

Ono mapensho alaakwisa pali ndiwe alimwi bwaanga bwako teshi bukaamaneewo. Ncakwiila shinkunka shilaakukulokela cakwaamba ayi kulaakubula weshi akakulubuleeko. Malwesa ayo webo ngootana kubonaawo alaakukupolela cakutaeengashila.

Isaya 61:2

Wantuma akwaambilisha ayi uno ngomwaaka uyo Lesa ngweshi apulushe bantu bakwe akuboosha cishole kwakwe Lesa. Wakantuma kwaamba ayi ngumbulushe bantu boonse batoolila.

Esekelo 13:5

Bakacileka akuya mukulama pamusena apo lubumbu lwabo mpolwakamwayuluka nabi kuya mukuluyaka alimwi kwaamba ayi lukatabilile bene Isilaeli pabushiku bwa Mwaami Lesa bwa nkondo.

Danyelo 5:9

Paceebo ceeco ciwa ca mwaami Beloshasa cakeendawobo kusanduka kuboowa abalo bacinenenene bakwe taaku ncebakacitaawo.

Danyelo 5:26

Maswi alaamba bobulya: “MENE, nkwaamba ayi Lesa wabelenga nshiku sha kulela kwanu, ono washishisha kumeelelesho.

Sekaliya 14:1

Bushiku bwa Mwaami Lesa butoosa ndabala ya Jelusalemu ndyeshi ikasaalwe. Lyalo buboni bweshi bukasaalwe bulaakubaanishikwa kamubweneeko.

Isaya 63:4

Ceebo cakalinga mumoyo wangu nkuboosha cishole. Mwaaka wakupulusha kwangu awalo wakashika.

Jowelo 2:1

Amulishe mapeenga muSiyoni, Amucenjeshe bantu bangu pakalundu kangu kasalalite. Amututume noonse nobantu nomwikala mucishi ca Juda mukwiinga bushiku bwa Mwaami Lesa butoosa. Ncakwiila bulibo pafwaafwi kwisa.