Isaya 11:12 - Baibo Busansulushi Bwa Libuku Ili

¹² Mwaami Lesa ulaakwiimika mbembela yakwe kutondesha mishobo imwi yoonse ayi utooyobolola cipya bantu bakwe bene Isilaeli abene Juda. Ee, kuyobolola baabo bapalangene kuswa mumbasu shoonse shone sha cishi ca panshi.

Isaya 11:12 Referans Kwoze

Sefaniya 3:10

Ncakwiila nabi kwitala lya milonga ya kuKushi, bantu banambila, ee, bantu bangu bakapalanganina mucishi, balaakwisa mukubenga milambu kuli ndime.

Isaya 56:8

Mwaami Lesa Shinkusu shoonse ee, uyo wakayobolola bene Isilaeli bakalinga mubusha waamba ayi, “Ndaakuyobolola abamwi peculu lya baabo bakesa kale.”

Isaya 43:6

Ndaakwaambila shishi sha kumatwa ayi, ‘Amubaleeke ono!’ Ashalo shishi sha kumalenge ayi, ‘Mutababililishi.’ Bana bangu basankwa ababoole kumishaabo kuswa kushishi sha kulaale. Abalo bana bangu banakashi ababoole kuswa kweela cishi kwiine.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.

Kulumbaisha 147:2

Mwaami Lesa utooboosha Jelusalemu mbwaakalinga. Utooyobolola bene Isilaeli bakalinga mushishi shabusha.

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Kulumbaisha 68:22

Mwaami Lesa wakaamba ayi, “Ndaakubaboosha kuswa kuBashani, Ndaakubaboosha kuswa panshi palweenge

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

Jemusi 1:1

Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.

Joni 7:35

Mpeeke baJuda bakatalika kulyaamboosha beene ayi, “Ino nkuli nkwaatooyanda kuya uyu muntu uko nkweshi tukabule kumucana? Sa utooyanda kuya kubamakwabesu abo bakapalanganina kubaGiliki akwiisha baGiliki?

Isaya 62:10

Nobene Jelusalemu, amuswe mundabala muye mukabambe mukwakwa wa bene mishaanu batoopiluka. Amubambe mukwakwa unene akukushaamo mabwe. Mishobo imwi amwiinyamwite mbembela kwaamba ayi banooibona.

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Isaya 18:3

Mwebo noonse nobantu ba mucishi, ee, mwebo nomuli mucishi ca panshi, mbembela yaakwiimikwa patulundu mulaakwiibona alwalo lupeenga lwaakulila mulaakulunyumfwa.

Dutolonomi 32:26

Ndakalinga kusuni kubanyonyoola boonse ayi bantu bamwi batakabeebalukiwo tubili.

Ciyubululo 7:1

Kuswawaawo ndakabona baanjelo bone kabeemfwi mumbasu shone sha cishi ca panshi. Bakalinga kukasha myuuwo yone kwaamba ayi itapuupili mucishi ca panshi, mulweenge nabi kucisamu cili coonse.

Kulumbaisha 60:4

Nakubi boobo abo bamulemeka mwabeemikila mbembela, kwaamba ayi bacicile nkuko kuloonda nkondo ya mata.

Kulumbaisha 107:3

Nkokwaamba ayi abo mbwaakayobolola kuswa kushishi sha baswamashi, ncakwiila kuswa kwicwe akumbo, kumatwa akumalenge.

Isaya 24:16

Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Isaya 49:5

“Mwaami Lesa wakamumba nebo mumala muli bama ayi mbe musebenshi wakwe. Ee, ayi mbooshe bamulunyungu lwakwe Jakobo kuli nguwe. Wakacita boobo kwaamba ayi muyobolweteeko bene Isilaeli. Mwaami Lesa ulampa bulemu nebo alimwi muli nguwe mooncana nkusu.”

Isaya 49:22

Mwaami Lesa Shinkusu shoonse waamba ayi, “Ndaakupa citondesho baswamashi. Ndaakubeemikila mbembela yangu. Lyalo balaakuboosha bana banu basankwa kababayumwitwe pamaansa akunyamuna bana banu banakashi pashifushi.

Isaya 54:7

“Ee, kwaciindi ciniini ndakalinga ndamusuula, sombi ndaakumuboosha ankuumbu shiinji abuumbi.

Isaya 60:4

Cebooka koonse koonse webo Jelusalemu ubone citoocitika. Bantu bako boonse batooyoboloka kwisa mumishaabo. Bana bako basankwa balaakwisa kuswa kulaale. Bana bako banakashi balaakwisa kabayumwitwe mumaansa anga mbakateta.

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Jelemiya 23:3

Nebo nemwiine ndaakuyobolola litanga ilyo lyakacaalawo kuswa mushishi shoonse nshendakashipalanganishishaamo akushiboosha kumafulo a nshisho uko nkweshi shikashalane akufula.

Jelemiya 30:17

Sombi mwebo ndaakumupa buumi akushilika shilonda shanu nabi balwani banu balaamba ayi, ‘Siyoni wakasuulwa, taakuuwo nabi womwi umulama.’ Nebo neMwaami Lesa ndaamba.”

Jelemiya 50:4

Mwaami Lesa waamba ayi, “Munshiku isho, bene Isilaeli abene Juda boonse, balaakunyamuka kabaya bulila kuyandoola ndime neMwaami Lesa, Lesa wabo.

Esekelo 28:25

Mwaami Lesa Shinkusu shoonse waamba ayi, “Ndaakubunganya bene Isilaeli kuswa mumishobo iyo njendakabapalanganishilaamo. Ndaakulitondesha ayi ndisalalite pakati kabo pameenso a mishobo imwi. Kuswawaawo balaakunookala mucishi cabo ico ncendakapa musebenshi wangu Jakobo.

Osiya 1:11

Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.

Jelemiya 51:12

Amunyamune mbembela, muye mukapwaye lubumbu lwa Babiloni! Amufushefushe bashilumamba. Amubike beshikulindilila akubamba bantu beshikubelamina. Nebo neMwaami Lesa ntooyanda kucita kweelana amboompingite, ee, kweelana amulasho wangu pabene Babiloni.

Osiya 2:2

“Nobana bangu, amukalalile banyinawanu, amubakalalile, nakubi kwaamba ayi tabacibete bakaangu alimwi nebo neMwaami Lesa nshicibete ibaabo. Mubakombelele kwaamba ayi bacileeke bufuule bwabo, ee, kucileka kutashomeka kwabo.

Sekaliya 8:7

Mwaami Lesa Shinkusu shoonse waamba ayi, “Ndaakupulusha bantu bangu kuswa kushishi sha kwicwe asha kumbo.