Isaya 10:13 - Baibo Busansulushi Bwa Libuku Ili

¹³ Muleli uyo ulalisumpula ayi, “Shoonse ishi ndakashicita kwiinda munkusu shangu, mubusongo bwangu alimwi amukucenjela kwangu. Ncakwiila ndamanisha manyinsa pakati ka mishobo akubwesa buboni mbobakalinga kusungite. Bamaami babo ndakabalwana akubalyatoola anga ngumucende.

Isaya 10:13 Referans Kwoze

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Dutolonomi 8:17

Ono aboobo tamweelete kuyeeya ayi mwaba abuboni buunji kwiinda munkusu shanu nobeene.

Abakuku 1:16

Balalambila atoombe twabo akubenga milambu kuli ntuto mukwiinga kwiinda mutoombe babila alimwi balalya kabotu.

Amosi 6:13

Mwebo mulalilumbaisha pakukoma ndabala ya Lo Deba akwaamba ayi, “Sa te twakakoma ndabala ya Kanaimu munkusu shesu sobeene?”

Amosi 5:27

ndaakumutola mubusha mucishi cili kwiindilila ndabala ya Damasikasi. Nebo neMwaami Lesa Shikunsu shoonse ndaamba.”

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Esekelo 26:2

“Webo omuntu, bene Taya bakaseka ndabala ya Jelusalemu mukwaamba ayi, ‘Amubone! Ndabala ya Jelusalemu yamwayoolwa! Nkusu shakucita makwebo shamana! Teshi tukapikishanye akwe tubili.’

Esekelo 25:3

Ubalwiite ayi nebo neMwaami Lesa ntokwaamba ayi, ‘Mwebo mwakasangalala kubona Ŋanda yangu ndiyakabishikwa, cishi ca Isilaeli ndicakanyonyoolwa alimwi abene Juda ndibakatolwa busha.

Isaya 10:8

Ulalisumpula akwaamba ayi, “Bamatanjilili bangu ba bashilumamba boonse mbamaami.

1 Makani 5:26

Lyalo Lesa wa bene Isilaeli wakalengesha Pulu mwaami wa bene Asilya uyo wakalinga kwiitwa ayi Tigilati Pilesa, kulwana cishi cabo. Wakatola busha boonse bamumukowa wakwe Lubeni, Gadi alimwi amusa wa mukowa wakwe Manase. Wakabatola kuAla, Abo, Aala alimwi amuya Mulonga wa Gosani uko nkobabete asunu.

2 Baami 18:32

Mulaakunoocita boobo kushikila mwaami wa bene Asilya akamukalike mucishi ico cili anga ncishi canu, uko kuli minyansa yakutyanako waini alimwi kuli ashili anga ngamaila akupangisha shinkwa. Ico ncishi ca maolifi, mafuta a olifi alimwi abuuci. Na mucite shoonse nsheshi akamulwiite, teshi mukafwe. Esekiya atamubeeci ayi Mwaami Lesa ulaakumupulusha.

2 Baami 18:15

Esekiya wakamutumina silifa yoonse yakalinga muŊanda yakwe Lesa alimwi amushipinda sha buboni ca ŋanda ya bwaami.

2 Baami 18:11

Mwaami wa bene Asilya wakakoma ndabala ya Samaliya akutola busha bene Isilaeli kucishi ca Asilya. Bamwi wakabekalika mundabala ya Ala, bamwi kufwaafwi aMulonga wa Aboli mumusena wiitwa ayi Gosani, bamwi mumandabala anene a mucishi ca bene Medi.

2 Baami 17:24

Mwaami wa bene Asilya wakabwesa bantu kuswa mundabala ya Babiloni, Kuta, Afa, Amati alimwi aya Sefafaimu akuya mukubabika mumandabala a mucishi ca Samaliya, kwaamba ayi baboolele pamusena wa bene Isilaeli. Lyalo bakabwesa mandabala ayo akwikalaamo.

2 Baami 17:6

Mumwaaka wasanu ayone wa bwaami bwakwe Osheya, mwaami wa bene Asilya wakakoma ndabala ya Samaliya akutola busha bene Isilaeli kucishi ca Asilya. Bamwi wakabekalika mundabala ya Ala, bamwi kufwaafwi aMulonga wa Aboli mumusena wiitwa ayi Gosani, bamwi mumandabala anene a mucishi ca bene Medi.

2 Baami 16:8

Wakabwesa silifa agolodi kuswa muŊanda yakwe Lesa alimwi amucipinda ca buboni ca muŋanda ya bwaami akushitola kumwaami wa bene Asilya ayi ncipo.

2 Baami 15:29

Muciindi ca bwaami bwakwe Peka mwaami wa bene Isilaeli, Tigilati Pilesa mwaami wa bene Asilya wakesa wabwesa ndabala ya Ijoni, Abelo Beti Maaka, Janowa, Kedeshi alimwi aya Asoli, kubikaawo acishi ca Gilyadi, Galili alimwi aca Nafutali. Wakatola bantu busha kuAsilya.

Jelemiya 46:8

Mbene Ijipiti batoonyamuka anga nguMulonga wa Nailo ee, anga ngumulonga utoosefuka. Bene Ijipiti baamba ayi, ‘Tulaakunyamuka akufwekelesha cishi coonse ca panshi. Tulaakunyonyoola mandabala abantu bekalaamo.’

Jelemiya 48:14

“Ino inga mwaamba buyani ayi, ‘Swebo tuli bashilumamba beshinkusu bacibwene kulwana?’

Esekelo 35:13

Mwakalinga kuntwaangila akwaamba makani abiibi pali ndime kwakutalitibuka, nebo nemwiine kaandinyumfwila.’ ”

Abakuku 2:6

Kuswawaawo abo batolwa busha balaakuseka baabo babatola ayi, “Mapensho kuli ndimwe nomubwesa buboni buteshi bwaanu akulilengesha kubila kwiinda mukukakatisha bantu kulipila nkongole shakubabekesha. Ino ishi shilaakutola ciindi cilaamfu buyani?”

Boomboloshi 7:2

Mpeeke Mwaami Lesa wakaambila Gidyoni ayi, “Bantu mbooli abo bafulisha kwaamba ayi ngabe bene Midyani mumaansaabo mukwiinga bene Isilaeli inga batalika kulilumbaisha ayi bakoma kwiinda munkusu shabo beene. Munshila iyo inga tabalumbaishi ndime.

Tushimpi 28:11

Mubile ulalibona kucenjela mwiine, sombi mukandu ucite maano akunyumfwisha shintu ulamwishiba mbwaabete.

Isaya 5:21

Mapensho kubaabo baliyeeyela ayi mbasongo, ee, baliyeeyela ayi balicenjete.

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Abakuku 1:11

Ncakwiila baleenda akuya cakufwambaana anga ngumuuwo. Bashilumamba aba balabona nkusu shabo anga ngolesa wabo.”