Isaya 1:29 - Baibo Busansulushi Bwa Libuku Ili

²⁹ Cilaakukulensha nsoni kwaamba ayi wakalinga kulambila shisamu alimwi aceebo cakusala myuunda yakulambililamo balesa bamwi.

Isaya 1:29 Referans Kwoze

Isaya 66:17

Mwaami Lesa waamba ayi, “Ali pafwaafwi meelelesho a baabo balisalashisha kulambila balesa ba baswamashi, ee, abo baya mumulongo kumyuunda yabo isalalite akulya nkumba, mbeba ashintu shimwi shitasalalite kweelana aMilawo.

Isaya 65:3

Balatolelela kunkalasha cakutalisendaawo mukuya mukubenga milambu mumyuunda yakapekwa kubalesa babo akutenta tununkila kabotu pashipaililo sha bakunsengwe.

Isaya 57:5

Mwebo mulasanina meenshanyama anu munshaashisamu sha mibanga, ee, kulila munshaacisamu cicite cimfule cibotu cifungulukite. Mulabenga abana banu muya tulonga kushibumbwabumbwa amunshaamabwe acengeme cakupanga cimfule cibotu.

Osiya 4:13

Balabenga milambu pansonga sha tulundu akutenta tununkila kabotu patulundu tuniini munshaashisamu shilaamfu shicite matewu aanji mukwiinga shilicite shimfule shibotu. Paceebo ceeco bana banu banakashi balaya cicita bufuule abalo bamalokashi banu balaya cicita bulale.

Esekelo 16:63

Mpeeke ndaakukulekelela shibiibi, sombi ulaakushiibaluka akunyumfwa nsoni cakwaamba ayi teshi ukacalulewo tubili mulomo wako. Nebo neMwaami Lesa Shinkusu shoonse ndaamba.”

Bene Loma 6:21

Ino ono nimpindunshi njemwakacana mukucita shintu isho shitoomulensha nsoni bulya? Taakuuwo. Mukwiinga mamanino a shintu sha mushobo wooyo ndufu.

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Osiya 14:3

Bene Asilya tabakoonshi kutupulusha. Maaki a nkondo taakoonshi kututabilila. Teshi tukaambewo tubili kusheesho shakapanga maanseesu ayi, ‘Balesa besu’ mukwiinga muli ndimwe bana banshiwa mobacana nkumbu.”

Esekelo 36:31

Lyalo mulaakwiibaluka nshila shanu shibiibi amicito yanu ibiibi alimwi mulaakulisenda ceebo ca shibiibi shanu ashintu nshemwakalinga kucita shilensha bunya.

Esekelo 6:13

Lyalo balaakwishiba ayi ndi Mwaami Lesa, bene mishaabo baakukungubala pakati ka shibumbwabumbwa shabo, kushinguluka shipaililo shabo patulundu tulaamfu toonse, peculu lya tulundu tumwi toonse, munshaashisamu shoonse shicite shimfule shibotu alimwi amushisamu sha mibanga shoonse shicite matewu. Nkokwaamba ayi kumisena yoonse uko nkobakalinga kutentela tununkila kabotu kushibumbwabumbwa shabo shoonse.

Jelemiya 3:6

Muciindi ca bulelo bwakwe Josiya, Mwaami Lesa wakandwiita ayi, “Sa wamubona Isilaeli mwanakashi mufuule utashomeki nshaatoocita. Ulatanta peculu lya tulundu toonse amunshaashisamu shoonse shicite shimfule shibotu akunoocita bufuule.

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Isaya 45:16

Boonse beshikubumba shibumbwabumbwa balaakulenshekwa nsoni akusebaanishikwa. Ncakwiila boonse balaakuloka shiwa abuumbi.

Isaya 31:7

Ono ciindi cilaakushikila ndyeshi mukasowe shibumbwabumbwa shanu sha silifa asha golodi isho maansaanu acita shibiibi nshaakapanga.

Isaya 30:22

Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Isaya 42:17

Sombi abo bacinkite manungo mushibumbwabumbwa, ee, baamba shikoshanyo isho ayi balesa besu, balaakusebaanishikwa akulenshekwa nsoni.”

Osiya 4:19

Balaakubwesekwa anga ncintu catolwa akapupuulwa, milambu yabo njebabenga kubalesa bamwi ilaakubalengesha kusebaana.