Esita 8:8 - Baibo Busansulushi Bwa Libuku Ili

⁸ Anu mwebo amulembe mulawo wakufuna baJuda kweelana ambomusuni. Muuleembe muliina lyangu akuumawo ninga yangu ya keshibilo mukwiinga taaku makani akalembwa muliina lyangu akuumwa ninga yangu yakeshibilo eenga asandulwa.”

Esita 8:8 Referans Kwoze

Esita 1:19

Anu nobaami na mwasumina, amupe mulawo alimwi ulembwe mulibuku lya milawo ya bene Pesha abene Mediya, itakoonshi kusandulwa kwaamba ayi baFashiti tabeelete kwisa alimwi kunembo lyanu. Kuswawaawo mupe musena wabo wakuba muka mwaami kuli umwi wiindaawo kubota.

Esita 3:12

Anu pabushiku bwalikumi anshiiku shotatwe mumweenshi wakutaanguna, Amani wakeeta balembi boonse ba mwaami akubaambila makani kwaamba ayi balembe makalata mumushobo wakulemba wa shipansha shoonse sha cishi ca Pesha alimwi mumulaka wa mushobo womwi awomwi. Lyalo wakaatuma kubamaami, beendeleshi abacinenenene boonse. Makalata ayo akalembwa muliina lya mwaami Sakisesi akuumawo ninga yakwe yakeshibilo.

Danyelo 6:8

Ono bulya nobaami, amulembe mulawo uyo akubikawo keshibilo kanu. Lyalo ulaakukonkelwa akuba mulawo wa bene Mediya abene Pesha utakoonshi kupilulwa.”

Esita 8:5

Mpeeke wakaamba ayi, “Na inga camukonda nobaami, na mulambikako maano alimwi na muyeeyo uyu uliluleme kuli ndimwe, amulembe makalata akukasha mulawo wakwe Amani mwanaakwe Amedata wamulunyungu lwakwe Agagi ngwaakalemba ayi anyonyoole baJuda boonse mubwaami bwanu.

1 Baami 21:8

Mpeeke Jesebelo wakalemba makalata wabikaawo aliina lyakwe Aabu, wacala akalamatila wa mwaami akutumina bamaloba abacinenenene bene Jesiliilu.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Esita 8:10

Modekayi wakalembesha makalata ayo muliina lya mwaami Sakisesi akuumawo ninga yakwe ya keshibilo. Mpeeke akatolwa abeshinkombe kabatantite maaki acica bunene ayo akashalwa mushimpati sha mwaami.