Esita 8:2 - Baibo Busansulushi Bwa Libuku Ili

² Lyalo mwaami wakafuula ninga yakwe yakeshibilo iyo njaakanyaya Amani akwiipa Modekayi. Mpomunyaawo Esita wakapa Modekayi mulimo wakulama buboni bwakalinga bwakwe Amani.

Esita 8:2 Referans Kwoze

Esita 3:10

Lyalo mwaami wakafuula ninga yakwe yakeshibilo kumunwe wakwe akupa mulwani wa baJuda Amani mwanaakwe Amedata wamulunyungu lwakwe Agagi.

Danyelo 2:48

Mpomunyaawo wakabika Danyelo pacuuna capeculu mubulelo bwakwe akumupa shipo shiinji. Wakamupa buleli bwa cishi ca Babiloni alimwi akwaamba ayi abe munene wa basongo boonse.

Matalikilo 41:42

Mwaami wakafuula ninga yakalinga kucite keshibilo ka bwaami akufwalika Josefu kumunwe. Wakamufwalika cakufwala ca peculu cibotu alimwi akancetani kaniini ka golodi munshingo.

Luka 15:22

Sombi baishi bakaambila basebenshi babo ayi, ‘Amufwambaane! Amulete cakufwala cibotu afwale. Mumufwalike ninga kumunwe ansapato.

Kulumbaisha 37:34

Amube alulangilo muMwaami Lesa akukonkela milawo yakwe. Ulaakumusumpula kwiinda mukumupa cishi. Balo bamucita shibi mulaakubabona kabatandwaamo.

Esita 8:3

Mpeeke Esita wakakombelela alimwi kumwaami mukuliwaala kushimpanta shakwe kaalila. Wakamukombelela ayi akashe muyeeyo ubiibi wakwe Amani wamulunyungu lwakwe Agagi ngwaakapangila baJuda.

Esita 10:2

Milimo yakwe inene alimwi ayeeyo ikankamika yakacita Sakisesi pantu pomwi amakani oonse mbuli mbwaakapa Modekayi cuuna ca peculu, shililembetwe mulibuku lya buumi bwa bamaami bene Mediya aPesha.