Esita 7:7 - Baibo Busansulushi Bwa Libuku Ili

⁷ Mpomunyaawo mwaami wakanyamuka mubukali, kushiya waini wakwe akuya mumuunda wa kuŋanda yakwe. Amani mukubona kwaamba ayi mwaami teshi amulekeleleewo, wakacaala kwaamba ayi akombelele buumi bwakwe kuli Esita muka mwaami.

Esita 7:7 Referans Kwoze

Tushimpi 19:12

Bukali bwa mwaami buli anga nkubuluma kwa nkalamu. Sombi nkumbu shakwe shili anga ngumume kubwiisu.

Esita 1:12

Sombi basebenshi ndibakamwaambila ico cakaamba mwaami, Fashiti wakakaka. Aboobo mwaami wakakalala abuumbi.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Tushimpi 14:19

Bamucita shibi balaakufukamina bantu bali kabotu, ncakwiila babiibi balaakufukama pamilyango ya baluleme.

Kulumbaisha 112:10

Muntu mubiibi ulaakushibona akukalala. Ulaakulumanya meeno akuya cinyanga tibili wafwa. Kulangila kwakwe teshi kukacitikeewo.

1 Samwelo 25:17

Bulya ndaamba ayi mwishibe cikani ico akwaamba ayi muyeeye mbomweelete kucita, mukwiinga pamwaami wesu abamuŋanda yakwe boonse inga pacitika cilensha boowa. Cibiibi ncakwaamba ayi mwaami wesu ngushicimpamya alimwi taalwiitikwa.”

1 Samwelo 20:9

Jonasani wakakumbula ayi, “Nindakalinga kwishi nabibo paniini ayi bata batooyeeya kukucita cibiibi, sa naakwiinga nshikulwiiti?”

1 Samwelo 20:7

Na bakakumbule ayi, ‘Ncibotu,’ ukeshibe ayi nebo nemusebenshi wako nanoocili muumi. Ono na bakakalale, ukeshibe cakutatonsha ayi balisuminite kuncita cibiibi.

Esita 1:5

Kuswawaawo, mwaami wakabambila bantu boonse bakalinga mundabala inene ya Susa kusekelela. Wakabambila babile abakandu kusekelela uko kwakatola nshiku shosanwe ashobilo mulubansa lwa ŋanda ya bwaami.

Esita 7:10

Aboobo Amani wakaangililwa pashisamu isho nshaakashimpikila Modekayi. Lyalo abukali bwa mwaami mpobwakamanina.

Tushimpi 14:35

Mwaami ulisuni musebenshi ucita shintu sha busongo, sombi musebenshi ucita shintu shilensha nsoni, ulasonkomona bukali bwakwe.

Tushimpi 16:14

Bukali bwa mwaami bulatola kulufu, sombi musongo inga wakonsha kubootobeka.