Esita 6:1 - Baibo Busansulushi Bwa Libuku Ili

¹ Ono mashiku eenka ayo, mwaami taakwe koonaawo. Aboobo wakaambila bantu ayi bamuletele libuku lya makani a bwaami bwakwe akumubelengela.

Esita 6:1 Referans Kwoze

Danyelo 6:18

Lyalo mwaami wakaboolela kuŋanda yakwe ya bwaami akwikala mashiku oonse cakubula kulyaawo alimwi kwakubula shakumusangalasha shili shoonse. Peculu lya waawo wakaba acilabila.

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Esita 2:23

Ono makani aya ndyaakayandoolwa akucanwa ayi ngalushinisho, basankwa aba boonse bobilo bakacaikwa cakubaangilila kushisamu. Makani aya akalembwa mulibuku lya makani a bwaami kweelana abwakaamba mwaami paciindi ico.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Isaya 41:17

“Bakandu abaabo bataaku mbobabete balalangoola maanshi, ono tabaacaani. Panshingo shabo payuma kunyotwa. Sombi nebo neMwaami Lesa ndaakukumbula kusenga kwabo. Ndushinisho nebo neMwaami Lesa teshi nkabafutatileewo.

Esita 10:2

Milimo yakwe inene alimwi ayeeyo ikankamika yakacita Sakisesi pantu pomwi amakani oonse mbuli mbwaakapa Modekayi cuuna ca peculu, shililembetwe mulibuku lya buumi bwa bamaami bene Mediya aPesha.

Matalikilo 22:14

Musena uyo Abulaamu wakautumba ayi, “Lesa ulapa.” Abobulya bantu balaamba ayi, “PaKalundu ka Mwaami Lesa upa.”

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

Esita 5:8

“Na nobaami inga mwakondwa kunyumfwila nkumbu akumpa nceshi nsenge, ndaseenga kwaamba ayi mwebo aAmani mukese ciilo kukusekelela akumwi uko nkweshi nkamubambile. Paciindi ico ndaakumulwiita nceensuni.”

Esita 2:22

Modekayi wakanyumfwa makani aya akwaambila Esita muka mwaami, uyo wakaya mukwaambila mwaami makani ayo Modekayi ngaakamwaambila.

Esita 2:21

Ono Modekayi ndyaakalinga kusebensela kuŋanda ya bwaami, Bigitana aTeleshi basankwa ba kubwalo bakacaikwa lushalo abo bakalinga kulindilila shipinda sha mwaami Sakisesi, bakacimwa mwaami abuumbi akupangana kumucaya.