Esita 3:7 - Baibo Busansulushi Bwa Libuku Ili

⁷ Ono mumweenshi wakutaanguna, mweenshi wiitwa ayi Nisani, mumwaaka walikumi ayobilo mubwaami bwakwe Sakisesi, Amani wakaambila bantu ayi boome cisolo ico ncebakalinga kwiita ayi Pulimu kunembo lyakwe, ayi bacane bushiku amweenshi weelete kusebensa mulimo uyu. Cisolo cakawita pabushiku bwalikumi anshiiku shotatwe mumweenshi walikumi ayobilo uyo wiitwa ayi Ada.

Esita 3:7 Referans Kwoze

Esila 6:15

Bakamanisha kuyaka Ŋanda yakwe Lesa pabushiku bwatatu mumweenshi wa Ada mumwaaka wasanu awomwi mubweendeleshi bwa mwaami Dalyasi.

Tushimpi 16:33

Cisolo ciloomwa abantu, sombi Mwaami Lesa ngoopa bukumbulo.

Mateyo 27:35

Ndibakamana kumupopa pamucilingano, bakabaana shisani shakwe kwiinda mukuuma cisolo.

Esita 9:21

Wakabaambila ayi banoosekelela pabushiku bwalikumi anshiiku shone alimwi abwalikumi anshiiku shosanwe bwa mweenshi wa Ada mwaaka amwaaka

Esita 9:5

Munshila iyo baJuda bakacita cili coonse ncebakalinga kusuni kubalwani babo. Bakabalwanisha amipeeni akubacayoola.

Esita 9:1

Ono bushiku bwalikumi anshiiku shotatwe mumweenshi walikumi ayobilo wiitwa ayi Ada, mulawo wa mwaami ndiwakalinga kweelete kucitwa, bwakashikila. Ubu mbobushiku ubo balwani ba baJuda mbobakalinga kuyeeya kubakoma. Sombi shintu shakasanduka, baJuda mbobakakoma balwani babo.

Esita 2:16

Lyalo Esita wakatolwa kumwaami Sakisesi kuŋanda yakwe ya bwaami mumweenshi walikumi wiitwa ayi Tebeti, mumwaaka wasanu ayobilo wa bwaami bwakwe.

Esita 1:3

Mumwaaka watatu wa bwaami bwakwe, wakabambila bacinenenene bakwe boonse kusekelela. Abalo bamatanjilili ba bashilumamba ba kuPesha akuMediya, beendeleshi alimwi abamatanjilili ba shishi shoonse isho bakalingaako.

Neyemiya 2:1

Mumweenshi wa Nisani mumwaaka wamakumi obilo wa bwaami bwakwe Atasakisesi, waini wakwe ndiwakaletwa ndakoobwesa akuutola kumwaami. Taana kumbonawo kale aciwa cilokete mbuli bushiku ubo.

Esila 4:6

Kumatalikilo a bwaami bwakwe Sakisesi, bakalemba nkalata yakubekesha bantu ba kucishi ca Juda alimwi akundabala inene ya Jelusalemu.