Esita 10:1 - Baibo Busansulushi Bwa Libuku Ili

¹ Mpeeke mwaami Sakisesi wakalengesha bantu boonse bekala mubwaami bwakwe ayi batalike kulipila misonko, nkokwaamba ayi abo bekala mumisena ili kweela lweenge alimwi abekala mukati mucishi.

Esita 10:1 Referans Kwoze

Isaya 24:15

Aboobo mwebo nobakwicwe amulemeke Mwaami Lesa, Lesa wa bene Isilaeli. Amumulemeke amwebo nomuli pansumbu sha palweenge.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Luka 2:1

Munshiku isho Sisa Agasitasi, muleli munene wa kuLoma, wakabika mulawo wakwaamba ayi bantu boonse bali mubuleelo bwa Loma balembwe.

Danyelo 11:18

Pesule ulaakulwana mishobo ili muloombe lwa lweenge akukoma iinji pakati ka njiyo. Sombi mutanjilili wa bashilumamba muswamashi ulaakumukoma akumanisha kulisumpula kwakwe. Munshila iyo musebaanyo uyo ulaakuboola pamubili wakwe mwiine.

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Esita 8:9

Aboobo balembi ba mwaami bakeetwa pabushiku bwamakumi obilo anshiiku shotatwe mumweenshi watatu wiitwa ayi Sifani. Balembi bakalemba makalata kweelana abwakaamba Modekayi ayi aye kubaJuda, bamaami, beendeleshi abacinenenene bamushipansha sha cishi shoonse shili 127. Nkokwaamba ayi kuswa kuIndiya kuya mukushika kuKushi mukulukulu. Makalata ayo akalembwa kweelana amushobo wakulemba wa cipansha comwi acomwi alimwi mumulaka wa mushobo womwi awomwi. Abalo baJuda bakabalembela kweelana amushobo wabo wakulemba alimwi amumulaka wabo.

Esita 1:1

Ono nceeci cakacitika munshiku shakwe Sakisesi uyo wakalela shishi shili 127 kuswa kuIndiya kushika kuKushi.

Matalikilo 10:5

Aba bakalinga mbobamashali bakulukulu ba bantu abo bekala muya loombe lwa lweenge apansumbu. Mbobantu bomwi bamulunyungu lwakwe Jafeti bekala mumishobo ipusenepusene ashishi. Bamwi abamwi balaamba mumulaka wabo.