Esila 4:4 - Baibo Busansulushi Bwa Libuku Ili

⁴ Aboobo bantu bakalinga kwikalaamo, bakatalika kutyongosha baJuda akubayoosha ayi batatoleleli kuyaka.

Esila 4:4 Referans Kwoze

Esila 3:3

Nabi bakalinga kuloonda bantu mbobakalinga kushiite abo, bakayaka alimwi cipaililo pamusena peenka mpocakalinga pakataanshi, akubenga milambu yakutenta kuMwaami Lesa nkokwaamba ayi milambu ya macuunsa aya macolesha.

Jelemiya 38:4

Mpomunyaawo bacinenenene bakaambila mwaami ayi, “Muntu uyu ulyeelete kucaikwa ceebo utootyongosha bashilumamba abantu abo bakacaala mundabala inene ino kumakani ngaatoobalwiita. Muntu uyu taasuni kucafwa bantu, sombi uliimfwibo pakunyonyoola.”

Neyemiya 6:9

Anu bakalinga kweelesha kutukonga ayi tucileeke mulimo wesu. Sombi ndakapaila ayi, “Ono nobaLesa, amumpe nkusu.”

Neyemiya 4:11

Balwani besu bakalinga kuyeeya kwaamba ayi teshi tubaboone nabi kwishiba nshebatoocita kushikila bakatucaaye soonse akucaya mulimo ngotutoocita.

2 Samwelo 4:1

Ono Ishibosheti mwanaakwe Saulo ndyaakanyumfwa ayi Abina wakafwa muEbuloni, shakamumana nkusu, alimwi bene Isilaeli bakaloonda.

Esila 4:5

Bakalipila maali bacinenenene ba kuPesha ayi bakashe mulimo kuya panembo. Bakacita boobo mubwaami bwakwe Sailasi wa kuPesha boonse kushikila amubwaami bwakwe Dalyasi wa kucishi ncemunya ico.

Neyemiya 4:2

Lyalo wakaamba pameenso ababye abashilumamba bene Samaliya ayi, “Ino baJuda aba balefukite batoocitanshi? Sa batooyeeya kuyakulula lubumbu lwabo? Sa balo batooyeeya ayi inga bamanisha mulimo pabushiku bomwi kwiinda mukubenga milambu? Sa inga bapanga mabwe akuyakishako kuswa pamabwe aya akapwayoolwa akutentwa?”

Danyelo 10:13

Munjelo munene wa bulelo bwa bene Pesha wakandwana kwanshiku makumi obilo abushiku bomwi. Lyalo Mikaeli, munene womwi wa baanjelo, wakesa mukuncafwa mukwiinga muPesha ndakalinga ndacaalamobo neenka.

Danyelo 10:20

Aboobo wakaamba ayi, “Sa ulishi ncendesita kuli ndiwe? Ndesa mukukuyubulwita shilembetwe muLibuku lya Lushinisho. Ono bulya ntooboolela kuya mukulwana munjelo munene shikulama bene Pesha. Kuswawaawo munjelo munene shikulama bene Gilisi ulaakuboneka. Taaku weelete kuncafwa, sombibo Mikaeli munjelo munene shikulama bene Isilaeli.