Esila 4:3 - Baibo Busansulushi Bwa Libuku Ili

³ Sombi Selubabelo, Jeshuwa abamwi boonse bamanene ba shipani sha mikowa ya bene Isilaeli bakabakumbula ayi, “Tamucitemo lubasu mukuyakila Lesa wesu Ŋanda. Tulaakuyakila Mwaami Lesa, Lesa wa bene Isilaeli sobene bweenka Sailasi mwaami wa kuPesha mbwaakatwaambila.”

Esila 4:3 Referans Kwoze

Neyemiya 2:20

Mpomunyaawo ndakabakumbula ayi, “Lesa wa kwiculu ulaakutulengesha kuswitilila. Swebo sobasebenshi bakwe tutootalika kuyakulula alimwi, sombi mwebo tamucitewo nkusu pacipansha ca ndabala ya Jelusalemu nabi comwi alimwi taaku cintu nabi comwi nceenga mwaamba ayi ncanu.”

Milimo ya Batumwi 8:21

Taaku lubasu ndoocite mumulimo wesu uyu mukwiinga tooluleme pameenso akwe Lesa.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Isaya 45:4

Ceebobo ca basebenshi bangu bamulunyungu lwakwe Jakobo, ee, bene Isilaeli bantu abo mbondakasala, ndakakwiita liina lyako akukupa cuuna ca bulemu nakubi kwaamba ayi toonshiiwo.

Isaya 44:28

Ndime ŋamba pamwaami Sailasi ayi, ‘Ngumweembeshi wangu alimwi ulaakucita shoonse nsheensuni. Ncakwiila ngweshi akaambe pandabala ya Jelusalemu ayi ndabala inene ya Jelusalemu aiyakululwe alwalo lwiimbi lwa Ŋanda yakwe Lesa aluyakwe.’ ”

2 Makani 36:22

Mumwaaka wakutaanguna wa bwaami bwakwe Sailasi mucishi ca Pesha, mukulengesha maswi a Mwaami Lesa ayo akaamba Jelemiya kucitika cancinencine, Mwaami Lesa wakaambila Sailasi ayi aambilishe mulawo uyo alimwi akuulemba ayi ubelengwe mubwaami bwakwe boonse.

Joni 4:9

Mwanakashi wakakumbula ayi, “Mwebo muli baJuda, sombi nebo ndi mwanakashi muSamaliya, ino inga mwansenga buyani maanshi akunwa?” (Ceebo baJuda tebakalinga kunyumfwana abene Samaliya.)

Esila 1:1

Mumwaaka wakutaanguna wa bwaami bwakwe Sailasi mucishi ca Pesha, mukulengesha maswi a Mwaami Lesa ayo akaamba Jelemiya kucitika cancinencine, Mwaami Lesa wakaambila Sailasi ayi aambilishe mulawo uyo alimwi akuulemba ayi ubelengwe mubwaami bwakwe boonse.

Esila 1:2

Wakalemba ayi, “Uku nkokwaamba kwangu nebo neSailasi mwaami wa bene Pesha. Mwaami Lesa, Lesa wa kwiculu, wampa nkusu shakulela cishi ca panshi coonse alimwi ashakuyaka Ŋanda yakwe muJelusalemu mucishi ca Juda.

Esila 3:8

Mumweenshi wabili mumwaaka wabili kuswa mpobakashikila kuŊanda yakwe Lesa muJelusalemu, Selubabelo mwanaakwe Sheyalutyelo, Jeshuwa mwanaakwe Josadaki abene Isilaelinyinaabo bamwi boonse nkokwaamba ayi bapailishi, bene Lefi alimwi aboonse abo bakaswa mucishi ca busha kuya kuJelusalemu, boonse bakatalika mulimo. Bakabika bene Lefi bakalinga kucite myaaka makumi obilo akwindilila pabutanjilili bwa mulimo wakuyaka alimwi Ŋanda ya Mwaami Lesa.

Esila 1:3

Lesa abe amwebo noonse nomuli mumaansaakwe. Mulyeelete kuya kuJelusalemu mukuyaka Ŋanda ya Mwaami Lesa, Lesa wa bene Isilaeli, Lesa ulambilwa muJelusalemu.