Esila 4:1 - Baibo Busansulushi Bwa Libuku Ili

¹ Ono balwani ba bene Juda alimwi abene Benjameni bakanyumfwa kwaamba ayi abo bakaswa mucishi ca busha batooyaka alimwi Ŋanda ya Mwaami Lesa, Lesa wa bene Isilaeli.

Esila 4:1 Referans Kwoze

Esila 1:11

Shintu isho sha golodi alimwi asha silifa pantu pomwi shakalinga 5,400. Sheshibasa wakatolelela shintu isho shoonse ciindi abo bakalinga mucishi ca busha ndibakaswa muBabiloni akuya kuJelusalemu.

1 Bene Kolinto 16:9

Kuno Lesa wancalwita mulyango kwaamba ayi ncite mulimo unene nakubi ayi kuli bampikisha baanji.

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.

Danyelo 5:13

Aboobo Danyelo wakaletwa kunembo lya mwaami. Alakwe mwaami wakamwiipusha ayi, “Sa ndiwe Danyelo womwi wa basha abo bata baNebukadinesa mbobakaleta kuswa kuJuda?

Esila 10:16

Aboobo bantu abo bakaswa mucishi ca busha bakacita bweenka ubo. Esila mupailishi wakasala basankwa abo bakalinga bamatanjilili ba bamumaanda, womwi kuswa mucipani comwi acomwi akulemba meenaabo. Pabushiku butaanshi mumweenshi wa likumi bakekala panshi akutalika kuyandoola makani ayo.

Esila 10:7

Aboobo makani akatumwa mucishi ca Juda coonse alimwi amuJelusalemu kwaamba ayi boonse abo bakaswa mucishi ca busha babungane kuJelusalemu.

Esila 7:9

Wakanyamuka kuswa kuBabiloni pabushiku butaanshi bwa mweenshi wakutaanguna, akushika kuJelusalemu pabushiku butaanshi bwa mweenshi wasanu, mukwiinga Lesa wakwe wakalinga kumucafwa.

Esila 6:16

Ono bene Isilaeli, nkokwaamba ayi bapailishi, bene Lefi aboonse abo bakaswa mucishi ca busha bakasangalala pakubenga Ŋanda yakwe Lesa kumwiine.

Esila 3:13

Aboobo taaku muntu wakakonsha kwishiba ciyobeyobe cakusangalala nabi cakulila, mukwiinga ciyobeyobe ico cakalinga cinene abuumbi cakwaamba ayi bantu bakalinga kulaale bakalinga kunooshiitemobo.