Biblia Todo Logo
Bib sou entènèt

- Piblisite -




Esila 2:2 - Baibo Busansulushi Bwa Libuku Ili

2 Bamatanjilili babo mbaaba: Selubabelo, Joshuwa, Neemiya, Selaya, Leliya, Modekayi, Bilushani, Misipa, Bigifayi, Leyumu aBaana. Aya ngomeena a shipani sha mikowa ya bene Isilaeli pantu pomwi amwelo wa baabo bakapiluka kuswa kubusha.

Gade chapit la Kopi




Esila 2:2
24 Referans Kwoze  

Sombi yuma webo Selubabelo. Yuma awebo Joshuwa mwanaakwe Jeosadaki, mupailishi munene. Amuyume amwebo nobantu nobene cishi. Amusebense noonse ceebo nebo ndi amwebo.


Ono Mwaami Lesa wakasonkomona muuya wakwe Selubabelo mwanaakwe Sheyalutyelo, mweendeleshi wa cishi ca Juda, muuya wakwe Joshuwa mwanaakwe Jeosadaki, mupailishi munene, amuuya wa bantu abo bakalinga bacaalaawo. Aboobo bakatalika kuyakulula Ŋanda ya Mwaami Lesa Shinkusu shoonse, Lesa wabo.


Kuswawaawo Selubabelo mwanaakwe Sheyalutyelo, Joshuwa mwanaakwe Jeosadaki mupailishi munene abantu bamwi bakacaalaawo, boonse bakasumina kukonkela mulawo wa Mwaami Lesa, Lesa wabo. Bantu abo bakalinga kuloonda akunyumfwila maswi angu neAgayi mukwiinga Mwaami Lesa, Lesa wabo ngowakantuma.


Bamatanjilili babo bakalinga mbaaba: Selubabelo, Joshuwa, Neyemiya, Selaya, Lelaya, Modekayi, Bilushani, Misipeleti, Bigifayi, Neyumu aBaana. Bene Isilaeli abo bakapiluka kuswa mubusha kweelana ashipani shabo mbaaba:


Ono Joshuwa wakalinga kufwete shakufwala shishipite ndyaakalinga kwiimfwi kunembo lya munjelo uyo.


Mucili anga nciloto cimwi Mwaami Lesa wakantondesha Joshuwa mupailishi munene kaaimfwi kunembo lya munjelo wa Mwaami Lesa. Kulubasu lwakwe Joshuwa kwakalinga kwiimfwi Satana uyo wakalinga kulibambite kumushinina.


“Lwiita Selubabelo mwaami wa bene Juda kwaamba ayi ndaakutenkaanya liculu acishi ca panshi.


“Aambila Selubabelo mwanaakwe Sheyalutyelo, mweendeleshi wa cishi ca Juda, Joshuwa mwanaakwe Jeosadaki, mupailishi munene, alimwi abantu abo bakalinga bacaalaawo. Ubeepushe ayi,


Mumwaaka wabili wa bwaami bwakwe Dalyasi mwaami wa bene Pesha, bushiku butaanshi mumweenshi wasanu awomwi, Mwaami Lesa wakaamba kwiinda muli ndime neAgayi kuli Selubabelo mwanaakwe Sheyalutyelo uyo wakalinga mweendeleshi wa cishi ca Juda alimwi akuli Joshuwa mwanaakwe Jeosadaki, mupailishi munene.


Mpeeke Selubabelo mwanaakwe Sheyalutyelo aJeshuwa mwanaakwe Josadaki bakatalika kuyaka alimwi Ŋanda yakwe Lesa muJelusalemu. Abalo balaluki bobilo abo bakabacafwaako.


Leyumu mweendeleshi aShimushayi mulembi bakalemba nkalata kumwaami Atasakisesi pacikani ca Jelusalemu ayi,


Sombi Selubabelo, Jeshuwa abamwi boonse bamanene ba shipani sha mikowa ya bene Isilaeli bakabakumbula ayi, “Tamucitemo lubasu mukuyakila Lesa wesu Ŋanda. Tulaakuyakila Mwaami Lesa, Lesa wa bene Isilaeli sobene bweenka Sailasi mwaami wa kuPesha mbwaakatwaambila.”


Shintu isho sha golodi alimwi asha silifa pantu pomwi shakalinga 5,400. Sheshibasa wakatolelela shintu isho shoonse ciindi abo bakalinga mucishi ca busha ndibakaswa muBabiloni akuya kuJelusalemu.


Ono basha baanji bakaswa mucishi ca Babiloni akuboolela kundabala ya Jelusalemu akucishi ca Juda. Womwi awomwi wakaboolela kundabala ine mishaabo. Bamumaanda babo boonse bakalinga kwikala mucishi ca Babiloni kuswa ciindi mwaami Nebukadinesa ndyaakabatola busha.


Bamulunyungu lwakwe Paloshi 2,172


Ono Jeshuwa mwanaakwe Josadaki abapailishinyina, Selubabelo mwanaakwe Sheyalutyelo pantu pomwi abamakwabo, bakatalika kuyaka cipaililo cakwe Lesa wa bene Isilaeli ayi babenge milambu yakutenta, kweelana amilasho ilembetwe muMilawo yakwe Mose muntu wakwe Lesa.


Sailasi mwaami wa bene Pesha wakatuma Mitiledati shikulama buboni ayi ashileete. Lyalo wakashibala akushipa Sheshibasa mweendeleshi wa cishi ca Juda.


Aba mbobamatanjilili ba shipani sha mumikowa ya bene Isilaeli, abo mbondakaswaabo kuBabiloni, cishi ca busha, akuboolela kuJelusalemu ciindi Atasakisesi ndyaakalinga mwaami.


Buni, Asigadi, Bebayi,


Ono muciindi cakwe Selubabelo amuciindi cakwe Neyemiya, bene Isilaeli boonse bakalinga kuleta shipo sha bushiku abushiku sha beshikwiimba abeshikulindilila minjililo. Bakalinga kuleta cipansha ceelete kubene Lefi, abalo bene Lefi bakalinga kupa cipansha ceelete kubapailishi.


Swiv nou:

Piblisite


Piblisite