Esekelo 9:10 - Baibo Busansulushi Bwa Libuku Ili

¹⁰ Aboobo teshi nkabafwitewo nkumbu nabi kubalangabo, sobwe. Sombi ndaakubacitila bweenka mbobakacitila bamwi.”

Esekelo 9:10 Referans Kwoze

Esekelo 7:4

Teshi nkamufwite nkumbu nabi kumulangabo, sobwe. Ndushinisho ndaakumupa mulandu kweelana amicito yanu alimwi ashintu shilensha bunya nshemwakacita. Lyalo ndyeshi mukeshibe ayi nebo ndi Mwaami Lesa.’

Esekelo 11:21

Sombi abo balyaabite mukulambila shikoshanyo shifundoosha kumoyo ashibumbwabumbwa shilensha bunya, ndaakubapa mulandu kweelana anshebakacita. Nebo neMwaami Lesa Shinkusu shoonse ndaamba.”

Esekelo 8:18

Paceebo ceeco, balaakunyumfwa cilemeneshi coonse ca bukali bwangu. Teshi nkamufwite nkumbu nabi kumulangabo. Teshi nkakutikewo mipailo yabo nabi bakanokoolobesha cili buyani.”

Isaya 65:6

“Amubone mulandu wabo ulilembetwe kale, ncakwiila teshi nkoomunebo, sombi ndaakuboosha cishole cikwene, ee, cishole pabubi ubo mbobakacita.

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Esekelo 5:11

“Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.

Bene Ebulu 10:30

Mukwiinga tulimwishi uyo wakaamba ayi, “Amubaleeke ndime mboosha shishole, ndaakubapa milandu abalo.” Wakaamba alimwi ayi, “Mwaami ulaakoombolosha bantu bakwe.”

Jowelo 3:4

“Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Esekelo 22:31

Paceebo ceeco ndaakubatila bukali bwangu buyoosha akubanyonyoola kuceeselela ca bukali bwangu ceebo ca sheesho nshebakacita beene beenka. Nebo neMwaami Lesa Shinkusu shoonse ndaamba.’ ”

Esekelo 9:5

Kaanyumfwite wakaambila bamwi ayi, “Amumukonkele mundabala akucaya. Mutanyumfwiliwo nkumbu nabi kulangabo muntu uli woonse.

2 Makani 6:23

noBaami baLesa, amunyumfwe kwiculu uko akoombolosha basebenshi banu. Amupe mulandu uyo ulubite kweelana ambwaaelete akuleka wooyo utacite mulandu.

Dutolonomi 32:41

ndaakunona mupeeni wangu ubekabeka, akubona kwaamba ayi bululami bwacitika. Ndaakuboosha cishole pabalwani bangu, akupa mulandu kubaabo bampatite.

Isaya 13:18

Balaakucaya basankwa bacikula bwangu amata abo. Teshi bakafwitewo nkumbu bakateta nabibo banike.

Malilo 1:5

Balwani ba njiyo baba bamaami ba njiyo. Balwani ba njiyo ono mbobashiite cakuliiba. Mwaami Lesa weeletela buumba bunene ceebo ca shibiibi shakwe shiinji. Bana ba njiyo bamana kuya mubusha, ee, batolwa busha kubalwani babo.

Esekelo 9:11

Mpeeke muntu uyo wakalinga kufwete shakufwala sha nsalu iteshimite alimwi ucite shilembesho palubasu wakesa mukuluula ayi, “Ndaciita kweelana ambomwakantuma.”

Esekelo 23:49

Banakashi abo ndaakubapa mulandu ceebo ca bufuule bwabo alimwi akulambila shibumbwabumbwa kwabo. Lyalo ndyeshi mukeshibe ayi nebo ndi Mwaami Lesa.”

Esekelo 24:14

“Nebo neMwaami Lesa ndime ntokwaamba. Ciindi cangu cakucitawo comwi pali ndiwe cashikila. Teshi nkaboolewo pesule, kufwa nkumbu nabi kukulekabo, sobwe. Ulaakupekwa mulandu kweelana abwikaalo bwako alimwi amicito yako. Nebo neMwaami Lesa Shinkusu shoonse ndaamba.”

1 Baami 8:32

noBaami baLesa, amunyumfwe kwiculu uko akoombolosha basebenshi banu. Amupe mulandu uyo ulubite kweelana ambwaaelete akuleka wooyo utacite mulandu.

Esekelo 7:3

“ ‘Nobene Isilaeli meelelesho ono amushikila ceebo ntooyanda kumuletela bukali bwangu. Ndaakumoombolosha kweelana amicito yanu akumupa mulandu pashintu shilensha bunya nshemwakacita.

Esekelo 16:43

“ ‘Ono mukwiinga tamukwe kwiibaluka nshiku sha bucikula bwangu bwako, sombi wakankalasha mukucita shintu shoonse ishi. Ndushinisho ndaakukupa mulandu pasheesho nshewakacita. Ceebonshi wakeelikawo bufuule pasheesho shoonse shilensha bunya nshewakalinga kucita? Nebo neMwaami Shinkusu shoonse ndaamba.’ ”

Esekelo 17:19

“Paceebo ceeco nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, ndaakumupa mulandu ceebo wakapwaya cipangano ico ncaakashomesha cakulumbila muliina lyangu ayi ulaakucilama.

Esekelo 43:3

Cili anga nciloto ici cakalingabo anga nceeco ncendakabona Lesa ndyaakesa mukunyonyoola ndabala inene ya Jelusalemu alimwi aceeco ncendakabona kuMulonga wa Keba. Aboobo ndakaliwaala panshi akushishaawo ciwa.

Sekaliya 11:6

Paceebo ceeci teshi nkabanyumfwilewo nkumbu bantu ba mucishi ici. Muntu woonse ndaakumwaaba kuli shikamukobonyina akumwaami wakwe. Bantu aba balaakubalyatilila, sombi nebo teshi nkabafuneewo sobwe. Nebo neMwaami Lesa ndaamba.”