Esekelo 47:3 - Baibo Busansulushi Bwa Libuku Ili

³ Lyalo muntu uyo wakalulama kwicwe akupima kalonga ako akasamu kakupimishaako. Wakapima muya kalonga kwa mushinso wa mamita ali 500 akundwiita ayi nsubukile waawo mpwaakeela. Pakusubuka, maanshi akanshika mutupokoso.

Esekelo 47:3 Referans Kwoze

Esekelo 40:3

Ono ndyaakanshisha kooko, ndakabonako muntu wakalinga kubekabeka anga ngubulonse uyo wakalinga kwiimfwi pamwinjililo kaacite ntambo ya busalu buteshimite alimwi akasamu kakupimishaako mumaansaakwe.

Ciyubululo 21:15

Munjelo uyo wakalinga kwaamba anebo, wakalinga kucite kasako kacipimo ka golodi, kakupimishaako ndabala inene ilya, milyango ya njiyo alimwi alubumbu.

Ciyubululo 11:1

Kuswawaawo ndakapekwa nkoli yakalinga kuboneka anga nkasamu kakupimishaako akulwiitwa ayi, “Koya ukapime Ŋanda yakwe Lesa acipaililo alimwi akubelenga bantu batoolambililaamo.

Milimo ya Batumwi 2:33

Wakasumpulwa akuba kulubasu lwalulyo lwakwe Lesa akutambula Mushimu Usalashi kuswa kuli Lesa Ishi, kweelana ambwaakamushomesha. Ishi nshemutoobona akunyumfwa, ncipo ca Mushimu Usalashi Jesu ncaatila pali ndiswe.

Milimo ya Batumwi 2:4

Mpeeke boonse bakesushikwa Mushimu Usalashi akutalika kwaamba mishobo imwi, kweelana ambowakabatanjilila Mushimu uyo.

Luka 24:49

Anebo ndaakumutumina cipo ico baTa ncebakashomesha, sombi mulyeelete kwikala mundabala inene kushikila mukatambule nkusu kuswa kwiculu.”

Sekaliya 2:1

Mucili anga nciloto cimwi ndakabona musankwa kaaimfwi kunembo lyangu antaambo yakupimishaako mulyaansa.

Esekelo 47:2

Kuswawaawo muntu uyo wakankusha muŊanda yakwe Lesa kwiindila kumwinjililo wa kumatwa akunshingulusha kuntola kumwinjililo ulangite kwicwe. Uku kwakalinga kalonga kakalinga kukunka kuswa kumalenge lya mwinjililo.

Esekelo 47:4

Kuswawaawo wakapima aumwi mushinso wa mamita ali 500 apo maanshi mpaakanshika mumanungo pakusubuka. Wakapima aumwi mushinso wa mamita ali 500 apo maanshi paakanshika mubukome pakusubuka.

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”