Esekelo 4:6 - Baibo Busansulushi Bwa Libuku Ili

⁶ “Nshiku ishi shaakwiinda, ukoone alimwi. Ono ukasanduluke akoonena kulubasu lwalulyo akunyamuna shibiibi sha mushobo wa bene Juda kwanshiku shili 40. Nkokwaamba ayi bushiku bomwi bunanokwiimikanina mwaaka womwi wa mulandu wabo.

Esekelo 4:6 Referans Kwoze

Shakubelenga 14:34

Mulaakupenshekwa kwamyaaka ili makumi one ceebo ca kubisha kwanu, nkokwaamba ayi mwaaka womwi ulaakunokwiimikanina bushiku bomwi panshiku shili makumi one nshemwakasowa pakubona cishi. Lyalo mulaakwishiba mbocaamba na nebo ndamwaalookila!

Ciyubululo 13:5

Munyama uyu wakasuminishikwa kwaamba maswi akulisumpula akucobola Lesa. Wakasuminishikwa akuba ankusu shakweendelesha kwamyeenshi ili makumi one alimwi ayobilo.

Ciyubululo 12:14

Mwanakashi uyo wakapekwa mapapaminwa obilo a mumbankwashi kwaamba ayi oolukile kuluyanga kumusena wakwe uko nkweshi akalamwe kabotu kwamyaaka ili yotatwe amusa, kuloonda shinshimwe.

Ciyubululo 9:15

Mpeeke baanjelo abo bone bakaangululwa. Balo bakalinga kubambitwe kucaya cipansha catatu ca bantu boonse paciindi ceenka ici ca bushiku bweenka ubu bwa mweenshi weenka uyu wa mwaaka weenka uyo.