Esekelo 39:4 - Baibo Busansulushi Bwa Libuku Ili

⁴ Ulaakuwita patulundu twa Isilaeli, webo, bashilumamba bako boonse alimwi amishobo imwi iyo njeshi ukanooli ayo. Ndaakukusandula kuba cakulya ca bayuni bapusenepusene balya nyama aca banyama ba muluundu.

Esekelo 39:4 Referans Kwoze

Esekelo 33:27

“Balwiite ayi nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo abo bakacaala mumatongo balaakucaikwa munkondo. Abo bekala muluundu ndaakubaaba kubanyama ba muluundu. Abalo abo boonse bekala mushiyubilo amushimfwengo, balaakufwa kumwaalu.

Esekelo 38:21

Ndaakuleta bantu abo beshi bakese mukulwana nkondo aGogi patulundu twangu toonse. Bantu balaakutalika kuyasana mipeeni beene abeene. Nebo neMwaami Lesa Shinkusu shoonse.

Esekelo 29:5

Ndaakukuwaala muluyanga akukushiya mumo pantu pomwi answi shoonse sha mumulonga wako. Ulaakufwita muluyanga mweenka umo, ulaakucaalabo cakutabikwa, sobwe. Ndaakukulengesha kuba cakulya ca banyama abayuni.

Jelemiya 15:3

“Nebo neMwaami Lesa ndaakubatumina shintu shiyoosha shone. Ndaakubatumina nkondo ayi bacaikwe, bakabwa ayi babakweelaanye, bayuni ayi batalike kubalya alimwi abanyama bamuluundu ayi balye sheshi shikacaaleeko.

Isaya 14:24

Mwaami Lesa Shinkusu shoonse washomesha cakulumbila ayi, “Bweenka mbondakayeeya, ncakwiila mbweshi cikabe, ee, bweenka mbondakabamba, bweenka ubo mbociimfwi.

Isaya 14:25

Bene Asilya ndaakubanyonyoola mucishi cangu. Ndaakubalyatoola peculu lya tulundu twangu. Lijoko lya bweendeleshi bwa cishi ca Asilya ndaakulikushaawo pabantu bangu. Ndaakubatula mukuli uyo kuswa pashifushi shabo.

Jelemiya 25:33

Ciindi ico abo boonse beshi bakacaikwe kuMwaami Lesa balaakunoolibo luundu loonse. Nkokwaamba ayi kuswa kweela cishi kuya mukushika ankoceela. Teshi bakabunjikweewo nabi kufukilwa. Sombi balaakubabo anga ngamatombe apantantaala peculu lya nshi.

Esekelo 35:8

Ndaakususha tulundu twako abaabo beshi bakacaikwe. Mituntu ya baabo beshi bakafwite munkondo ilaakwisula patulundu twako, shinyika atulonga twako toonse.

Esekelo 39:5

Mulaakufwita muluundu. Nebo neMwaami Lesa Shinkusu shoonse ndaamba.

Naamu 3:3

Beshimaaki baliciteeko kucica! Mipeeni itoobekookabo! Aalo masumo alipiyeenepiyeenebo! Mituntu ya bantu yeelinkana! Ncakwiila mibili ya baabo bacaikwa teebelengeki. Bantu batoolisuntulaamobo akuwitaawo pakweenda.