Esekelo 26:13 - Baibo Busansulushi Bwa Libuku Ili

¹³ Ndaakumanisha nyimbo shako shoonse alimwi mukumo wa tulumbu twako teshi ukanyumfwikewo tubili.

Esekelo 26:13 Referans Kwoze

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Isaya 23:16

“Nyamuna kalumbu kako, unooya cishinguluka mundabala, webo omufuule owakalubwa! Kalishe akwiimba nyimbo shako alimwi, kwaamba ayi alimwi wiibalukwe.”

Jelemiya 25:10

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga, kulila kwa mpelo alimwi amumuni wa malampi.

Jelemiya 16:9

Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ulaakulibonena ameenso ako. Koocili muumi ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumusena uyu.’

Isaya 14:11

Wakalinga kulemekwa akwiimbilwa nyimbo alimwi akulishilwa tulumbu, sunu bulemu bwako boonse bwapampamukila mumusena wa bafu. Bulo bwako sunu ngamapila alimwi mapila ndyelinduumba lyako.’

Osiya 2:11

Ndaakumanisha kusekelela kwabo koonse. Nkokwaamba ayi, kusekelela kwa pamwaaka, kusekelela kwa Myeenshi ipya, nshiku shakookesha sha Cibelu, ee, kusekelela kwabo koonse.

Esekelo 28:13

Wakalinga muEdeni, ee, mumuunda wakwe Lesa. Mabwe amakwebo oonse akalinga kukubotesha. Nkokwaamba ayi mabwe amakwebo eetwa ayi lubi, topasi alimwi aemalodi, kilisolaiti, onekisi alimwi ajasipa, safaya, tekoisi alimwi abelilu. Shakubikaamo mabwe aya shakalinga sha golodi. Pabushiku ndiwakalengwa ashalo ndishakapangwa.

Isaya 23:7

Sa ncakwiila njendabala ikulukulu ya Taya iyi? Ee, ndabala ilya yakalinga kutuma bantu kwitala lya lweenge kuya mukukoma akwikala mushishi shimwi?

Isaya 22:2

Nciinshi cacitika mwebo nobamundabala inene ya shimfulunganya, ciyobeyobe alimwi amangwengwe? Basankwa banu bakacaikwa tabakwe kufwa kumipeeni, ncakwiila tabakwe kufwita kunkondo, sobwe.

Isaya 5:12

Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.

Kulumbaisha 137:2

Uko twakaanjika tulumbu twesu kushisamu sha masompe.

Isaya 23:12

Ondabala ya Sidoni teshi ukakondweewo tubili. Ncakwiila bantu bako balyatililwa. Nabi bamwi pakati kanu balobokele kuSaipulasi, akwalo teshi bakacaneeko luumuno.