Esekelo 21:7 - Baibo Busansulushi Bwa Libuku Ili

⁷ Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Esekelo 21:7 Referans Kwoze

Esekelo 7:17

Maansa oonse alaakubabo lempwete amumanungo oonse mulaakuboolabo tontolo.

Bene Ebulu 12:12

Paceebo ceeco, amuyumye shiso sha maansaanu alefukite, alimwi amumanungo anu mutoobukuma!

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Esekelo 7:26

Mapensho alaakwisa pamapenshonyina aalo maŋwiŋwi abiibi alaakunootungenebo kalongo. Mulaakunoosenga ayi balaluki bamulwiite nshebabona mushili anga nshiloto. Bapailishi balaakucileka kwiisha bantu milawo abalo bamaloba balaakucileka kupanda maano.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.

Isaya 13:7

Paceebo ceeco maansa oonse alaakuboolabo lempwete. Ncakwiila womwi awomwi ulaakunjilwa boowa.

Luka 21:26

Bantu balaakuwisuka ceebo ca boowa pakunoolangila ceshi cikese mukucitika mucishi ca panshi coonse mukwiinga nkusu sha kwiculu shilaakutenkaanishikwa.

Esekelo 24:19

Mpomunyaawo bantu bakanjipusha ayi, “Sa teshi utulwiite shintu ishi nshewacita mboshitoosansulula?”

Esekelo 20:49

Mpomunyaawo ndakaamba ayi, “Sobwe noBaami baLesa Beshinkusu shoonse! Sa te bantu batootongooka kale ayi lyoonse ndaambabo mushikoshanyo?”

Malilo 5:17

Myoyo yesu yalefuka, meenso esu tatoolasha kabotu

Jelemiya 49:23

Mwaami Lesa utokwaamba pandabala ya Damasikasi ayi, “Bene Amati abene Apadi bapenshekwa mumyoyo yabo ceebo banyumfwa makani abiibi. Balityongookite akupenga mumyoyo yabo bweenka mbuli maanshi a mulweenge atoomunibo.

Jelemiya 8:18

Webo oŋumbulusha, ndi mubuumba, moyo wangu waciswa abuumbi.

Isaya 35:3

Amuyumyeyumye maansa a baabo babula nkusu. Amupe nkusu myeendo ya baabo batootutumabo ceebo cakulefuka.

Isaya 28:19

Ncakwiila shilaakumukokolola kwaciindi aciindi, nkokwaamba ayi bwaca abwaca, malumwi nabi mashiku, nkumukokolola cakumaninina. Lyalo kunyumfwisha maswi aya kulaakunoomuletela kuloonda abuumbi!

Isaya 7:2

Aasi, mwaami wa bene Juda, ndyaakalwiitikwa ayi bene Silya bapaankana abene Efuleemu, lakwe abantu bakwe bakatutuma abuumbi bweenka shisamu mboshitenkaanishikwa kumuuwo.

2 Baami 21:12

Aboobo ayi nebo neMwaami Lesa, Lesa wa bene Isilaeli, ndaakuleta mapensho pandabala ya Jelusalemu apacishi ca Juda ayo eshi akakankamike muntu weshi akaanyumfwe.

2 Samwelo 17:10

Lyalo nabibo shilumamba uyo ushomwa, mukali anga ninkalamu, ulaakuloonda mukwiinga beene Isilaeli boonse balishi kwaamba ayi baishiwanu mbasankwa kunkondo, abalo abo mbobali abo tabaloondi.

Joshuwa 5:1

Ono bamaami boonse bene Amoli kumbo lya Joodani, alimwi abamaami bene Kenani muloombe lwa Lweenge lwa Mediteleniyani bakanyumfwa ayi Mwaami Lesa wakayumya Mulonga wa Joodani kushikila bene Isilaeli boosubuka. Mpeeke boonse bakaloonda abuumbi ankusu shoonse shakulwana abene Isilaeli shakabula.

Dutolonomi 20:8

“Bamatanjilili aba balaakwiilikaawo ayi, ‘Sa pano pali umwi waloonda akufwa citu? Na mpwaali, aaye kumushi ceebo inga walengesha babye kutyongola abalo.’

Bene Lefi 26:36

“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

Kulonga 15:15

Bacinenenene ba bene Edomu baliloondete. Bamatanjilili ba bene Moabu batootutumabo. Abalo bantu bene Kenani bapulwa mumala.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

Joshuwa 7:5

Bene Ai bakatandaanya bene Isilaeli kuswa paminjililo ya ndabala inene iyo akubashisha pamusena wakalinga kukabwa mabwe. Bakacaikwa kunkunamo ya kalundu, bakakumana mpashi 36. Mpeeke bene Isilaeli ndibakabona boobo, mushiso mwakaboolabo tontolo kuboowa.

Kulumbaisha 58:7

Abashiminganebo anga ngamaanshi ainda kaaya mumulonga. Abakalyatoolwe akunyoŋwaatika anga mbwiisu bwalyatoolwa.

Esekelo 21:6

“Paceebo ceeco, webo omuntu tongela! Utongele kunembo lyabo amoyo utyongookite alimwi ucite buumba bunene.

Esekelo 21:8

Mpeeke Mwaami Lesa wakaŋambila ayi,

Esekelo 21:15

Ulaakucita boobo kwaamba ayi myoyo ya bantu ityongole akulengesha baanji kuwa. Ndateya mupeeni uyo kuminjililo yabo yoonse kwaamba ayi ucaye. Ncakwiila wakapangilwa kubekabeka, ee, wakacatilwa kucaya.

Esekelo 22:14

Sa ulaakunoocicite nkusu nabi kuba ankusu shakusebensesha maansaako bushiku mbweshi nkakulwaane? Nebo neMwaami Lesa ndaamba alimwi ndaakucicita.

Danyelo 5:6

Ciwa ca mwaami cakasanduka kuboowa. Wakaloonda abuumbi cakwaamba ayi mumanungo mwakaboolabo tontolo.

Jelemiya 26:12

Mpomunyaawo nebo neJelemiya ndakaambila bacinenenene boonse alimwi abantu boonse ayi, “Mwaami Lesa ngowakantuma ayi nse ndaluke shoonse nshemwanyumfwa paŊanda yakwe ino alimwi apandabala ino.

Esekelo 6:2

“Webo omuntu, langa kutulundu twa Isilaeli akutulalukila mapensho.