Esekelo 21:6 - Baibo Busansulushi Bwa Libuku Ili

⁶ “Paceebo ceeco, webo omuntu tongela! Utongele kunembo lyabo amoyo utyongookite alimwi ucite buumba bunene.

Esekelo 21:6 Referans Kwoze

Esekelo 6:11

Mwaami Lesa Shinkusu shoonse waamba ayi, “Amukambe mapaka, mulishe minkiti panshi akulila ayi, ‘Maawe!’ ceebo ca bubi boonse ashintu shilensha bunya isho bene Isilaeli nshebacita. Balaakufwa kunkondo, kunsala akumwaalu.

Isaya 22:4

Paceebo ceeco ndaamba ayi, “Amundeeke ndile bene misheesu abo boonse bakanyonyoolwa. Mutangumushiiwo napaceyi.”

Abakuku 3:16

Ndindakanyumfwa shintu ishi, mubili wangu wakatutuma ayalo milomo yangu yakatutuma kuboowa. Ncakwiila mubili wangu woonse wakalefuka. Ee, amyeendo yangu yakabukuma kuboowa. Nakubi boobo ndaakulindilila camoyonteeka ciindi ico Lesa aakwisa mukupa mulandu bantu batulwana.

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Danyelo 5:6

Ciwa ca mwaami cakasanduka kuboowa. Wakaloonda abuumbi cakwaamba ayi mumanungo mwakaboolabo tontolo.

Esekelo 37:20

Kuswawaawo ucate tusamu uto ntowalembaawo bantu kabakubwene

Esekelo 21:12

Ono ulile cakooloma, webo omuntu, ceebo mupeeni uyo utoosita bantu bangu abamatanjilili boonse ba bene Isilaeli. Lyuume pacaamba ceebo ca buumba!

Esekelo 9:4

akumwaambila ayi, “Koya mundabala ya Jelusalemu yoonse ukabike cishibilo pankumo sha baabo boonse batoolila akupenshekwa mumyoyo ceebo ca shintu shilensha bunya shitoocitwa muli njiyo.”

Esekelo 4:12

Ukanoolya shakulya ishi bweenka mbweenga walya shinkwa wa mise wa bale. Ukanooupanga bantu kababweneeko mukusebensesha maambukwa ayumu a bantu ayi nshenkuni.”

Jelemiya 30:6

Kutumana uyeeye. Sa musankwa inga watumbuka mwaana? Ino ceebonshi ndaboona musankwa uli woonse shinkusu kucatilila maansaakwe palifumo anga ngumwanakashi uli pankata? Ceebonshi shiwa shoonse shitooboneka kulisukama?

Jelemiya 19:10

Kuswawaawo Mwaami Lesa wakaŋambila ayi, “Pwaya nongo iyo abo mbootooyaabo kababweneeko

Jelemiya 4:19

Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.

Isaya 21:3

Paceebo ceeci, shintu nshendakabona akunyumfwa shanenga boowa abuumbi. Mubili wangu waana kukucisa, kucisa kuli anga nkwa mwanakashi utooyanda kutumbuka. Ndatutuma kusheesho nsheenyumfwa. Ncakwiila nsheentoobona shapensha moyo wangu abuumbi.

Isaya 16:11

Ono moyo wangu wapenga abuumbi ceebo ca cishi ca Moabu. Buumba bwancata abuumbi ceebo ca ndabala ya Kili Aleseti.

Esekelo 21:5

Bantu boonse balaakwishiba ayi anu nebo neMwaami Lesa ndime ndakusha mupeeni wangu mucipokolo ca nguwo alimwi teshi ukabooleleemo, sobwe.’

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Esekelo 32:18

“Webo omuntu, lilila bantu baanji baanji ba cishi ca Ijipiti. Tuma bantu abo kumusena wa bafu. Ubatuume pantu pomwi abantu abo beshinkusu ba mumishobo imwi.